deutsch
hornjoserbsce
Ze sportoweje chroniki Chrósćic
1896 Chróšćanska "Serbowka" bu jako kolesowarske towarstwo 1896 załožena a liči jako najstarše serbske sportowe towarstwo.
1924 Na iniciatiwu wučerja Pawoła Petaša załoži so w Chrósćicach 10.08.1924 sokołska jednota. W njej zjednoćeni běchu předewšěm čeladni, dźěłaćerjo a małoratarjo.
1931 Swjatočna swjećizna Sokołskeje chorhoje. Chorhoj w serbskich barbach módro-čerwjeno-běła, pokazuje nimo sokoła napismo, na prědnjej stronje: "Jednota "Sokoł" w Khrósćicach 1931", na zadnjej stronje: "Serbow chcu škitać, dónž dźeń budźe switać!". Tuta chorhoj bu pola něhdyšeho chorhojnika Jana Kmjeća hač do wosomdźesatych lět doma chowana. Po tym přepoda so Serbskemu muzejej w Budyšinje.
Z časopisow "Sokołske listy" wuchadźa, zo hraješe so w sokołskich jednotach Kamjenskich kónčin nimo ćěłozwučowanja tež prawidłownje kopańca.
1931 płaći tuž tež jako załoženske lěto Chróšćanskeho koparskeho sporta.
Prěnje koparske mustwo hraješe pod mjenom "płachtakowanske towarstwo" a něšto pozdźišo jako Sokoł Chrósćicy.
"Pusćina-Sahara", čwak krajiny pod 216m wysokeje šibjeńcy bě krótki čas koparske hrajnišćo.
1933-1936 Po rozpušćenju Sokołskeho hibanja 9. apryla 1933 a z přewzaćom mocy nacionalsocialistiskeho režima hrajachu Chróšćenjo pod mjenom DJK - Deutsche Jugendkraft dale.
Jutrownu póndźelu 1934 wotmě so prěnja hra DJK Chrósćicy- DJK Radwor (2:2) na nowym sportnišću při šuli, tuta ležownosć bu wot fary Chrósćicy za sport přewostajena. K Božemu spěću bu sportnišćo swjatočnje přepodate.
1936-1945 Ze zakazom DJK bu sportowe hibanje w Chrósćicach hač do kónca 2. swětoweje wójny rozpušćene.
1946-1950 Sportowa jednotka Chrósćicy bě jedna z prěnich w blišej wokolinje, kotraž z wulkimi napinanjemi hnydom po wójnje koparski sport znowa wožiwi. Sportnišćo při šuli bu rozšěrjene a zrunane a hraješe so pod mjenom "Sonja" Chrósćicy. Prawidłowne přećelske hry přećiwo studentskim wubrankam so wotměwachu.
Wotpowědne kmanosće su někotři hrajerjo přiswojili, kotřiž su we wójnskej jatbje hižo prawidłownje kopańcu hrali.
Tute talenty su Chrósćicy w tutym času k centrumej kopańcy činili. W lěće 1950 rozłama so sportowa jednotka "Sonja" wšelakich přičin dla.
1951-1953 Ke kermuši 1951 hraješe so zaso kopańca w Chrósćicach. Nowe mustwo mjenowaše so "Traktor" a docpě w prěnjej hrě kedźbyhódne 0:0 přećiwo Kamjencej.
Sekciski nawoda Chróšćanow bě rězniski mišter Paul Grubert. Tež tute mustwo bě jenož přez lěto aktiwne.
Hakle 1955 so w Chrósćicach zaso kopańca hraješe. Pod nawodom wučerja Rudolfa Benady a dohladowarja mustwa Jana Kuša z Łusča hraješe SJ Chrósćicy dobru rólu w 2. wokrjesnej klasy.
Wot 1957 nawjedowaštaj mustwo Jurij Dučman jako nawoda sekcije a Gerhard Pöpel jako mustwowy nawoda
Njedosahaceho hrajerskeho potenciala dla dóńdźe 1961 k zjednoćenju z koparskim mustwom Pančicy k zawodnemu sportowemu zjednoćenstwu Traktor Pančicy/Chrósćicy. Po hrajnym lěće w 2. wokrjesnej klasy docpěchu hnydomny postup do 1. wokrjesneje klasy.
1965/66 po dobrym přihotowanju sezony wobsadźichu w tutym hrajnym lěće wuběrne 4. městno w 1. wokrjesnej klasy. Hry přewjedźechu so najprjedy w lětnej změnje jónu w Pančicach a potom zaso w Chrósćicach.
1969/70 bu kader přeco ćeńši, wobstajne womłodźenje mustwa so njewotmě. Za dypkowe hry mějachu lědma wuměnjenskich hrajerjow a njepřewjedźe so prawidłowny trening. W tutej sezonje dóńdźe k zestupej z 1. wokrjesneje klasy. W slědowacym lěće hrajachu w 2. wokrjesnej klasy dale a wot sezony 1971/72 rěkaše mustwo jenož hišće traktor Pančicy.
1971 / 75 wutwori so pod nawodom Güntera Ruprechta z Časec stare mustwo, kotrež hač do 1975 prawidłownje přećelske hry přewjedźe.
Dnja 23. apryla 1981 zetka so 17 młodostnych w sydarni Wjeńkec hosćenca a wobzamknychu, zo měła so w Chrósćicach zaso kopańca hrać.
Na załoženskej zhromadźiznje dnja 4. meje 1981 buchu w SJ Chrósćicy tři sekcije zwołane - sekcija kopańca, sekcija blidotenis, sekcija žónska gymnastika.
Wuzwolichu slědowace předsydstwo:
Předsyda towarstwa: Jurij Cyž
Městopředsyda: Jan Dórnik
Kasěrarjo: Jurij Mark
Zapisowar: Jan Macka
Nawoda sekcije kopańca: Křesćan Krawc
Nawoda sekcije blidotenis: Měrćin Ričel
Nawoda sekcije žónska gymnastika: Angelika Bedrichowa
Kopańca hraješe so na hubjenym sportnišću při šuli. Blidotenis a gymnastika wukonješe so na Wjeńkec/Krawčikec žurli.
1981/82 Koparjo startuja w 2. wokrjesnej klasy a wobsadźa z trenarjom Janom Macku 1. městno ze 56:4 dypkami a 116:24 wrotami. Postup do 1. wokrjesneje klasy je zdokonjany. Samsny kumšt poradźi so blidotenisowemu mustwje pod trenarjom Měrćinom Ričelom.
1983 buchu přez wjesnjanostu Franca Młynka dźěła za rozšěrjenje a ponowjenje sportnišća postajene. Natwarić dyrbjeli tež popjelnu čaru a připrawu za dalokoskok.
28. julija 1983 bu nowa klubowa chorhoj (čerwjeno-běła) składnostnje Němskeho ćěłozwučowanskeho a sportoweho swjedźenja w Lipsku poswjećena, chorhojnik bě Joachim Hojer.
Wot 1984 nawjazuje SJ Chrósćicy prěnje přećelske styki z koparskim mustwom NKS "Start" Namysłow z Pólskeje. Prěnja přećelska hra bě 18. měrca 1984 w Namysłowje (2:1).
Wot 14. do 17. awgusta 1986 sportowy swjedźeń w Chrósćicach.
Po třilětnym twarskim času so nowy trawnik 105x67,5 m, twjerde hrajnišćo 60x40 m, 100m popjelna čara a dalokoskokna připrawa swjatočnje zjawnosći přepodachu.
Wosebite zasłužby mějachu wjesnjanosta Franc Młynk a sportowi přećeljo Jurij Cyž, Jan Macka kaž tež Měrćin Škoda, kotřiž dobrowólnje přez 4000 hodźin dźěła wukonjachu.
1990 za čas přewróta wudźěłaše Jan Rjelka za SJ Chrósćicy nowe wustawki. SJ Chrósćicy registrowaše so jako towarstwo "SJ Chrósćicy 1981 z.t." na hamtskim sudnistwje w Kamjencu.
1993 planowanje a přewjedźenje nowotwara zakładneje šule a wjacezaměroweje hale - połoženje zakładneho kamjenja bě dnja 4.12.1993..
18. junija 1994 załoži so w Chrósćicach žónska kopańca. Jeje zahajenska hra přećiwo Ralbičanskemu žónskemu koparskemu mustwu wotmě so składnostnje wjesneho swjedźenja w Chrósćicach.
1995 swjatočne přepodaće zakładneje šule a wjacezaměroweje hale 3.6.95 na zjawnosć.
Składnostnje 770-lětneje swjatočnosće 13.8.1995 Chrósćic wobdźěli so sportowa jednotka na wulkim swjedźenskim přećahu wosady. Přihladowarjam předstaji so sportowe wuwiće wot swojich spočatkow hač do dźensnišeho časa. "Stara garda" prezentowaše Sokołsku chorhoj, młodźi sportowcy nošachu SJC-chorhoj.
1996 bu Maćij Brycka jako nowy předsyda sportoweje jednotki woleny. Dźakowano nowemu předsydźe so na kromje hrajnišća mjez sportnišćom a wjacezaměrowej halu 5 m wysoke bulowe łójenske płoty přez dołhosć 70 m natwarichu, tohorunja so wabjenske bandy mjez trawnikom a wjacezaměrowej halu připrawichu.
1997/98 Chrósćicy mějachu w tym času 1. a 2. mustwo, žónske mustwo, hólče a dźěćace mustwo. Žónske mustwo hraješe w tutej sezonje swoje prěnje dypkowe hry.
1998 přepodaće małeho twjerdeho hrajnišća ze swětłomjetanskej připrawu šulskemu a towarstwowemu sportej přez wjesnjanostu Pětra Šołtu. Ke kóncej lěta bu za sport trakt přebywanja z rumnosću nastrojow dotwarjeny.
1999 Chrósćicy z wjesnymi dźělemi Hórki, Nuknica, Prawoćicy, Kopšin a Kozarcy wobsedźa wjacore rjane sportnišća:
Chrósćicy: 2 sportnišći (1 trawnik, 1 małe twjerde hrajnišćo, wjacezaměrowa hala)
Hórki: 2 sportnišći (1 trawnik, 1 twjerde hrajnišćo); wólnočasne zarjadnišćo (jewišćo, přebywanske a předawanske rumy)
W meji 1999 wotměchu so nowe wólby předsydstwa.
W meji 2004 sportowy swjedźeń w Chrósćicach składnostnje 70 lětneho wobstaća sportnišća při šuli. Přećelska hra mjez SJ Chrósćicami a SJ Radworjom skónči 3:2.
Nowa připrawa za swětłomjetaki při sportnišću bu w oktobrje 2005 na iniciatiwu prezidenta Jurija Špitanka a trenarja Tomaša Paški natwarjena.
Januar 2006 - W halowym TCM-turněrje dobudźe SJ Chrósćicy prěni króć požadany TCM-pućowanski pokal před ST Marijinej hwězdu, SJ Njebjelčicami a DJK Sokołom Ralbicy / Hórki.
1924 Na iniciatiwu wučerja Pawoła Petaša załoži so w Chrósćicach 10.08.1924 sokołska jednota. W njej zjednoćeni běchu předewšěm čeladni, dźěłaćerjo a małoratarjo.
1931 Swjatočna swjećizna Sokołskeje chorhoje. Chorhoj w serbskich barbach módro-čerwjeno-běła, pokazuje nimo sokoła napismo, na prědnjej stronje: "Jednota "Sokoł" w Khrósćicach 1931", na zadnjej stronje: "Serbow chcu škitać, dónž dźeń budźe switać!". Tuta chorhoj bu pola něhdyšeho chorhojnika Jana Kmjeća hač do wosomdźesatych lět doma chowana. Po tym přepoda so Serbskemu muzejej w Budyšinje.
Z časopisow "Sokołske listy" wuchadźa, zo hraješe so w sokołskich jednotach Kamjenskich kónčin nimo ćěłozwučowanja tež prawidłownje kopańca.
1931 płaći tuž tež jako załoženske lěto Chróšćanskeho koparskeho sporta.
Prěnje koparske mustwo hraješe pod mjenom "płachtakowanske towarstwo" a něšto pozdźišo jako Sokoł Chrósćicy.
"Pusćina-Sahara", čwak krajiny pod 216m wysokeje šibjeńcy bě krótki čas koparske hrajnišćo.
1933-1936 Po rozpušćenju Sokołskeho hibanja 9. apryla 1933 a z přewzaćom mocy nacionalsocialistiskeho režima hrajachu Chróšćenjo pod mjenom DJK - Deutsche Jugendkraft dale.
Jutrownu póndźelu 1934 wotmě so prěnja hra DJK Chrósćicy- DJK Radwor (2:2) na nowym sportnišću při šuli, tuta ležownosć bu wot fary Chrósćicy za sport přewostajena. K Božemu spěću bu sportnišćo swjatočnje přepodate.
1936-1945 Ze zakazom DJK bu sportowe hibanje w Chrósćicach hač do kónca 2. swětoweje wójny rozpušćene.
1946-1950 Sportowa jednotka Chrósćicy bě jedna z prěnich w blišej wokolinje, kotraž z wulkimi napinanjemi hnydom po wójnje koparski sport znowa wožiwi. Sportnišćo při šuli bu rozšěrjene a zrunane a hraješe so pod mjenom "Sonja" Chrósćicy. Prawidłowne přećelske hry přećiwo studentskim wubrankam so wotměwachu.
Wotpowědne kmanosće su někotři hrajerjo přiswojili, kotřiž su we wójnskej jatbje hižo prawidłownje kopańcu hrali.
Tute talenty su Chrósćicy w tutym času k centrumej kopańcy činili. W lěće 1950 rozłama so sportowa jednotka "Sonja" wšelakich přičin dla.
1951-1953 Ke kermuši 1951 hraješe so zaso kopańca w Chrósćicach. Nowe mustwo mjenowaše so "Traktor" a docpě w prěnjej hrě kedźbyhódne 0:0 přećiwo Kamjencej.
Sekciski nawoda Chróšćanow bě rězniski mišter Paul Grubert. Tež tute mustwo bě jenož přez lěto aktiwne.
Hakle 1955 so w Chrósćicach zaso kopańca hraješe. Pod nawodom wučerja Rudolfa Benady a dohladowarja mustwa Jana Kuša z Łusča hraješe SJ Chrósćicy dobru rólu w 2. wokrjesnej klasy.
Wot 1957 nawjedowaštaj mustwo Jurij Dučman jako nawoda sekcije a Gerhard Pöpel jako mustwowy nawoda
Njedosahaceho hrajerskeho potenciala dla dóńdźe 1961 k zjednoćenju z koparskim mustwom Pančicy k zawodnemu sportowemu zjednoćenstwu Traktor Pančicy/Chrósćicy. Po hrajnym lěće w 2. wokrjesnej klasy docpěchu hnydomny postup do 1. wokrjesneje klasy.
1965/66 po dobrym přihotowanju sezony wobsadźichu w tutym hrajnym lěće wuběrne 4. městno w 1. wokrjesnej klasy. Hry přewjedźechu so najprjedy w lětnej změnje jónu w Pančicach a potom zaso w Chrósćicach.
1969/70 bu kader přeco ćeńši, wobstajne womłodźenje mustwa so njewotmě. Za dypkowe hry mějachu lědma wuměnjenskich hrajerjow a njepřewjedźe so prawidłowny trening. W tutej sezonje dóńdźe k zestupej z 1. wokrjesneje klasy. W slědowacym lěće hrajachu w 2. wokrjesnej klasy dale a wot sezony 1971/72 rěkaše mustwo jenož hišće traktor Pančicy.
1971 / 75 wutwori so pod nawodom Güntera Ruprechta z Časec stare mustwo, kotrež hač do 1975 prawidłownje přećelske hry přewjedźe.
Dnja 23. apryla 1981 zetka so 17 młodostnych w sydarni Wjeńkec hosćenca a wobzamknychu, zo měła so w Chrósćicach zaso kopańca hrać.
Na załoženskej zhromadźiznje dnja 4. meje 1981 buchu w SJ Chrósćicy tři sekcije zwołane - sekcija kopańca, sekcija blidotenis, sekcija žónska gymnastika.
Wuzwolichu slědowace předsydstwo:
Předsyda towarstwa: Jurij Cyž
Městopředsyda: Jan Dórnik
Kasěrarjo: Jurij Mark
Zapisowar: Jan Macka
Nawoda sekcije kopańca: Křesćan Krawc
Nawoda sekcije blidotenis: Měrćin Ričel
Nawoda sekcije žónska gymnastika: Angelika Bedrichowa
Kopańca hraješe so na hubjenym sportnišću při šuli. Blidotenis a gymnastika wukonješe so na Wjeńkec/Krawčikec žurli.
1981/82 Koparjo startuja w 2. wokrjesnej klasy a wobsadźa z trenarjom Janom Macku 1. městno ze 56:4 dypkami a 116:24 wrotami. Postup do 1. wokrjesneje klasy je zdokonjany. Samsny kumšt poradźi so blidotenisowemu mustwje pod trenarjom Měrćinom Ričelom.
1983 buchu přez wjesnjanostu Franca Młynka dźěła za rozšěrjenje a ponowjenje sportnišća postajene. Natwarić dyrbjeli tež popjelnu čaru a připrawu za dalokoskok.
28. julija 1983 bu nowa klubowa chorhoj (čerwjeno-běła) składnostnje Němskeho ćěłozwučowanskeho a sportoweho swjedźenja w Lipsku poswjećena, chorhojnik bě Joachim Hojer.
Wot 1984 nawjazuje SJ Chrósćicy prěnje přećelske styki z koparskim mustwom NKS "Start" Namysłow z Pólskeje. Prěnja přećelska hra bě 18. měrca 1984 w Namysłowje (2:1).
Wot 14. do 17. awgusta 1986 sportowy swjedźeń w Chrósćicach.
Po třilětnym twarskim času so nowy trawnik 105x67,5 m, twjerde hrajnišćo 60x40 m, 100m popjelna čara a dalokoskokna připrawa swjatočnje zjawnosći přepodachu.
Wosebite zasłužby mějachu wjesnjanosta Franc Młynk a sportowi přećeljo Jurij Cyž, Jan Macka kaž tež Měrćin Škoda, kotřiž dobrowólnje přez 4000 hodźin dźěła wukonjachu.
1990 za čas přewróta wudźěłaše Jan Rjelka za SJ Chrósćicy nowe wustawki. SJ Chrósćicy registrowaše so jako towarstwo "SJ Chrósćicy 1981 z.t." na hamtskim sudnistwje w Kamjencu.
1993 planowanje a přewjedźenje nowotwara zakładneje šule a wjacezaměroweje hale - połoženje zakładneho kamjenja bě dnja 4.12.1993..
18. junija 1994 załoži so w Chrósćicach žónska kopańca. Jeje zahajenska hra přećiwo Ralbičanskemu žónskemu koparskemu mustwu wotmě so składnostnje wjesneho swjedźenja w Chrósćicach.
1995 swjatočne přepodaće zakładneje šule a wjacezaměroweje hale 3.6.95 na zjawnosć.
Składnostnje 770-lětneje swjatočnosće 13.8.1995 Chrósćic wobdźěli so sportowa jednotka na wulkim swjedźenskim přećahu wosady. Přihladowarjam předstaji so sportowe wuwiće wot swojich spočatkow hač do dźensnišeho časa. "Stara garda" prezentowaše Sokołsku chorhoj, młodźi sportowcy nošachu SJC-chorhoj.
1996 bu Maćij Brycka jako nowy předsyda sportoweje jednotki woleny. Dźakowano nowemu předsydźe so na kromje hrajnišća mjez sportnišćom a wjacezaměrowej halu 5 m wysoke bulowe łójenske płoty přez dołhosć 70 m natwarichu, tohorunja so wabjenske bandy mjez trawnikom a wjacezaměrowej halu připrawichu.
1997/98 Chrósćicy mějachu w tym času 1. a 2. mustwo, žónske mustwo, hólče a dźěćace mustwo. Žónske mustwo hraješe w tutej sezonje swoje prěnje dypkowe hry.
1998 přepodaće małeho twjerdeho hrajnišća ze swětłomjetanskej připrawu šulskemu a towarstwowemu sportej přez wjesnjanostu Pětra Šołtu. Ke kóncej lěta bu za sport trakt přebywanja z rumnosću nastrojow dotwarjeny.
1999 Chrósćicy z wjesnymi dźělemi Hórki, Nuknica, Prawoćicy, Kopšin a Kozarcy wobsedźa wjacore rjane sportnišća:
Chrósćicy: 2 sportnišći (1 trawnik, 1 małe twjerde hrajnišćo, wjacezaměrowa hala)
Hórki: 2 sportnišći (1 trawnik, 1 twjerde hrajnišćo); wólnočasne zarjadnišćo (jewišćo, přebywanske a předawanske rumy)
W meji 1999 wotměchu so nowe wólby předsydstwa.
W meji 2004 sportowy swjedźeń w Chrósćicach składnostnje 70 lětneho wobstaća sportnišća při šuli. Přećelska hra mjez SJ Chrósćicami a SJ Radworjom skónči 3:2.
Nowa připrawa za swětłomjetaki při sportnišću bu w oktobrje 2005 na iniciatiwu prezidenta Jurija Špitanka a trenarja Tomaša Paški natwarjena.
Januar 2006 - W halowym TCM-turněrje dobudźe SJ Chrósćicy prěni króć požadany TCM-pućowanski pokal před ST Marijinej hwězdu, SJ Njebjelčicami a DJK Sokołom Ralbicy / Hórki.