deutsch
hornjoserbsce
Kreisoberliga
1. Mannschaft28.06.2025, 15:00 Uhr
SG Crostwitz
: SV Gnaschwitz-Doberschau
0:0
Přeprošenje na sobustawsku zhromadźiznu
Česćeni čłonojo,
na přichodnu sobustawsku zhromadźiznu z wólbami předsydstwa SJ Chrósćicy 1981 z. t. přeprošuju Was
pjatk, 15. awgusta 2025, w 19:30 hodź. do wjacezaměroweje rumnosće „Jednoty“, Hórnikowa 34, 01920 Chrósćic.
Sćěhowacy dnjowy porjad je předwidźany:
TOP 1 lětna rozprawa 2024
TOP 3 wolóženje předsydstwa za hospodarske lěto 2024
TOP 4 ćežišća dźěła 2024
TOP 5 wólby předsydstwa
Za prašenja k tomu kontaktujće prošu jednaćela Rica Pohlinga pod telefonowym čisłom 0172 9855939.
Ze sportowym postrowom
Tadej Cyž
Předsyda
na přichodnu sobustawsku zhromadźiznu z wólbami předsydstwa SJ Chrósćicy 1981 z. t. přeprošuju Was
pjatk, 15. awgusta 2025, w 19:30 hodź. do wjacezaměroweje rumnosće „Jednoty“, Hórnikowa 34, 01920 Chrósćic.
Sćěhowacy dnjowy porjad je předwidźany:
TOP 1 lětna rozprawa 2024
1.1 Rozprawa jednaćela, financna a kasowa rozprawa pokładnikaTOP 2 rozrěčenje k rozprawam
1.2 pruwowanska rozprawa ke kónclětnemu wotličenju 2024
TOP 3 wolóženje předsydstwa za hospodarske lěto 2024
TOP 4 ćežišća dźěła 2024
TOP 5 wólby předsydstwa
5.1 wólba nawody zhromadźiznyTOP 6 naprašowanja a zdźělenki (wšelake)
5.2 wólba zapisowarja
5.3 předstajenje kandidatow
5.4 wólba předsydy
5.5 wólba městopředsydow
5.6 wólba pokładnika
5.7 wólba jednaćela
Za prašenja k tomu kontaktujće prošu jednaćela Rica Pohlinga pod telefonowym čisłom 0172 9855939.
Ze sportowym postrowom
Tadej Cyž
Předsyda
Přeprošenje na jubilejnu hru w Chrósćicach
Lubi fanojo kopańcy a přećeljo našeje SJ Chrósćicy,
w ramiku 800-lětneho jubileja našeje wsy, přeprošujemy was wutrobnje na cyle wosebitu koparsku hru:
Pjatk, 20.06.2025, 18:30 hodź. w sportowym centrje 'Jednota' nastupi wubranka z Chrósćic přećiwo mustwje něhdyšich čěskich hrajejow, kotřiž su zdźěla lětadołho za našu SJC na hrajnišću stali.
Čestny zakop přewjedźe prezident Sakskeho krajne sejma, knjez Aleksander Dierks, kotryž budźe dalši hósć na tutym dnju.
Wjeselimy so jara na zasowidźenje z našimi čěskimi přećelemi, chcemy hišće raz na zhromadne wuspěchi wróćo zhladować a woswjećić přećelstwa, kotrež su přez kopańcu w Chrósćicach nastali.
Hač do bórze!
Wutrobnje strowi,
SJ Chrósćicy 1981 z.t.
w ramiku 800-lětneho jubileja našeje wsy, přeprošujemy was wutrobnje na cyle wosebitu koparsku hru:
Pjatk, 20.06.2025, 18:30 hodź. w sportowym centrje 'Jednota' nastupi wubranka z Chrósćic přećiwo mustwje něhdyšich čěskich hrajejow, kotřiž su zdźěla lětadołho za našu SJC na hrajnišću stali.
Čestny zakop přewjedźe prezident Sakskeho krajne sejma, knjez Aleksander Dierks, kotryž budźe dalši hósć na tutym dnju.
Wjeselimy so jara na zasowidźenje z našimi čěskimi přećelemi, chcemy hišće raz na zhromadne wuspěchi wróćo zhladować a woswjećić přećelstwa, kotrež su přez kopańcu w Chrósćicach nastali.
Hač do bórze!
Wutrobnje strowi,
SJ Chrósćicy 1981 z.t.
Nowe wrota za SJC
W nalěću móžachu so muske teamy SJ Chrósćicy nad nowymi, transportabelnymi treningowymi wrotami wjeselić.
Móžno bu to jenož přez podpěru wuchodosakskeje lutowarnje Drježdźany.
Jako zastupjer přewza Syman Donat oficialne přepodaće.
SJ Chrósćicy 1981 z.t. dźakuje so za wulkotnu podpěru!
Móžno bu to jenož přez podpěru wuchodosakskeje lutowarnje Drježdźany.
Jako zastupjer přewza Syman Donat oficialne přepodaće.
SJ Chrósćicy 1981 z.t. dźakuje so za wulkotnu podpěru!
Dźělenje dypkow w Ramnowje
Drohotka Ramnow – SJ Chrósćicy 1:1 (0:0)
Zestawa SJC: Škoda – S. Handrik (67. Rätze), Mark, Młynk, Wornar, L. Zahrodnik, G. Zahrodnik, Hawš, M. Zahrodnik, Graf (71. Bogusz), Žur
Po poražce w pokalu běchu Chróšćenjo njedźelu z hosćom w Ramnowje. W prěnjej poł seriji skónči so furioznje z 3:3. Tuž běchu Chróšćenjo ručež situacije w tabulce warnowani před koparjemi Drohotki.
Chróšćenjo spytachu wot spočatka sem hru na so sćahnych a sej hnydom někotre móžnosće wuhrachu. Tola kaž hižo w zašłych hrach klacaše na efektiwiće před wrotami. Prěnju móžnosć měješe Alwin Graf. Po přihrawce Gabriela Zahrodnika pak prasny bul na pobóčnu žerdź. Tež w přichodnej akciji zwrěšći Syman Handrik po róžku z hłójčku na pobóčnej žerdźi. Hosćo kontrolowachu hru, domjaci so jenož zrědka před wrotami Jakuba Škody jewjachu. Přeco zaso wužichu hosćo rumy w srjedźnym polu tak k móžnosćam přińdźechu. Tak sej Oskar Hawš bul krótko za srjedźnej liniju wza a so do šěsnatki předrě. Ale tež Hawš bul pódla wrotow suny. Tež dalše móžnosće přez wólne kopy Chróšćenjo k nawjedowanju njewužiwachu. Na druhej stronje so domjaci tež před wrotami pokazachu. Ale woprawdźite šansy sej njewuhrachu. Tuž dźěchu wobaj cyłkaj bjez wrotow do přestawki.
Druhi połčas započina so chětro njeoptimalny za SJC. Dołhi bul do šěsnatki nadběhowar Drohotki z hłójčku wotpołoži a David Wätzlich bul z kromy šěsnatki na łatu a wottam do wrotow třěli. (46.) Chróšćenjo so wot toho njewottrašichu a spytachu hnydom wurunanje docpěć. Tola porno prěnjemu połčasej situacije nječisće hač do kónca wuhrachu. Tuž sej tež mnoho strašnych situacijow njeskićachu. Jednu dobru móžnosć měješe Maksimilian Zahrodnik. Po přihrawce bratra Luciana pak třěli bul na pobóčny sak. Na druhej stronje wotwobara Škoda situaciju z nohu wuběrnje, po tym bě Ramnowčan samy na jeho běžał. Z tym bě hra hač do kónca napjata. SJC dale na wurunanje tłóčachu a tute w podlěšenskim času tež docpěchu. Rutinjej Simon Žur so před šěsnatki derje přećiwo třom zakitowarjam přesadźi a bul w 92. min k 1:1 do wrotow třěli. Krótko na to sudnik hru wothwizda.
Chróšćenjo zapasnjechu jich mnoho dobrych móžnosćow w prěnim połčasu wužić. To hosćo spočatk druheho połčasa pochłostachu. Tola woni hač do kónca wojowachu a z tym zasłužene wurunanje docpěchu.
Maksimilian Zahrodnik
Zestawa SJC: Škoda – S. Handrik (67. Rätze), Mark, Młynk, Wornar, L. Zahrodnik, G. Zahrodnik, Hawš, M. Zahrodnik, Graf (71. Bogusz), Žur
Po poražce w pokalu běchu Chróšćenjo njedźelu z hosćom w Ramnowje. W prěnjej poł seriji skónči so furioznje z 3:3. Tuž běchu Chróšćenjo ručež situacije w tabulce warnowani před koparjemi Drohotki.
Chróšćenjo spytachu wot spočatka sem hru na so sćahnych a sej hnydom někotre móžnosće wuhrachu. Tola kaž hižo w zašłych hrach klacaše na efektiwiće před wrotami. Prěnju móžnosć měješe Alwin Graf. Po přihrawce Gabriela Zahrodnika pak prasny bul na pobóčnu žerdź. Tež w přichodnej akciji zwrěšći Syman Handrik po róžku z hłójčku na pobóčnej žerdźi. Hosćo kontrolowachu hru, domjaci so jenož zrědka před wrotami Jakuba Škody jewjachu. Přeco zaso wužichu hosćo rumy w srjedźnym polu tak k móžnosćam přińdźechu. Tak sej Oskar Hawš bul krótko za srjedźnej liniju wza a so do šěsnatki předrě. Ale tež Hawš bul pódla wrotow suny. Tež dalše móžnosće přez wólne kopy Chróšćenjo k nawjedowanju njewužiwachu. Na druhej stronje so domjaci tež před wrotami pokazachu. Ale woprawdźite šansy sej njewuhrachu. Tuž dźěchu wobaj cyłkaj bjez wrotow do přestawki.
Druhi połčas započina so chětro njeoptimalny za SJC. Dołhi bul do šěsnatki nadběhowar Drohotki z hłójčku wotpołoži a David Wätzlich bul z kromy šěsnatki na łatu a wottam do wrotow třěli. (46.) Chróšćenjo so wot toho njewottrašichu a spytachu hnydom wurunanje docpěć. Tola porno prěnjemu połčasej situacije nječisće hač do kónca wuhrachu. Tuž sej tež mnoho strašnych situacijow njeskićachu. Jednu dobru móžnosć měješe Maksimilian Zahrodnik. Po přihrawce bratra Luciana pak třěli bul na pobóčny sak. Na druhej stronje wotwobara Škoda situaciju z nohu wuběrnje, po tym bě Ramnowčan samy na jeho běžał. Z tym bě hra hač do kónca napjata. SJC dale na wurunanje tłóčachu a tute w podlěšenskim času tež docpěchu. Rutinjej Simon Žur so před šěsnatki derje přećiwo třom zakitowarjam přesadźi a bul w 92. min k 1:1 do wrotow třěli. Krótko na to sudnik hru wothwizda.
Chróšćenjo zapasnjechu jich mnoho dobrych móžnosćow w prěnim połčasu wužić. To hosćo spočatk druheho połčasa pochłostachu. Tola woni hač do kónca wojowachu a z tym zasłužene wurunanje docpěchu.
Maksimilian Zahrodnik
Kónc w poł finalu
SJ Chrósćicy – ST Post Germania Budyšin 0:4 (0:1)
Zestawa SJC: Škoda – L. Zahrodnik, Mark, Młynk, B. Cyž, Rätze (50. Bogusz), Hawš, M. Zahrodnik, G. Zahrodnik, Bjeńš (81. Wornar), Graf (66. C. Handrik)
Na prěnjej meji wočakowachu Chróšćenjo w poł finalu wokrjesneho pokala Post Germaniju z Budyšina. Rjane wjedro wabješe nimale 500 přihladowarjow do Chrósćic. Cil na wobojich cyłkow bě jasny: hru dobyć a z tym sej tiket za finale w Kulowje zaručić.
Hra bě wot spočatk wurunana. Hosćo hru měrnje natwarichu a mějachu wjetši hrajny podźěl. Domjaci spytachu z dobrym škit agěrować a na zmylki łakachu. Hra měješe hnydom dobru intensitu a skićeše přihladowarjam mnoho dwubojow. Přiwšěm zwosta hra stajnje fairna. Móžnosće běchu rědke, dokelž defensiwnje wobojich mustwow derje zakitowachu. Prěnju móžnosć hry mějachu domjaci. Lucian Zahrodnik so na prawym křidle derje přesadźi a do šěsnatki flankowaše. Tam přińdźe Gabriel Zahrodnik k bulej, ale wrotar třělwu wujasni. Po tym so tež Budyšenjo před wrotami Škoda jewjachu. Tola po róžku nadběhowar bul pódla wrotow sadźi. Hosćo srjedź prěnjeho poł časa hru dale kontrolowachu. Chróšćenjo mnoho situacijow dočasnje wujasnichu, tola mnoho ofensiwnych akcijow njemějachu. Na druhej stronje hosćo krótko do poł časa nawjedowanje docpěchu. Dołhi bul wrotarja nadběhowar z hłójčku podlěši. Anton Stehr dóńdźe k bulej, so do šěsnatki přesadźi a kulowatu kožu do wrotow k 0:1 sadźi (35.).
Chróšćenjo do druheho połčasa lěpje startowachu a sej nětko wjace zwěrichu. Franc Bjeńš so na lěwym křidle předrě. Tola třělwu snadnje nimo wrotow sadźi. Runje w dobrej fazy domjacych wužichu hosćo krótki njeporjad w škiće SJC a Felix Stöltzner docpě w 60. min z třělwu w šěsnatce 2:0. Jenož někotre mjeńšiny po tym wuhrachu Budyšinje rjany konter, kotryž Niklas Schramm na kóncu k 3:0 we wrotach zaměstni (64.). Z tym hosćo hru w běhu krótkeho časa jasne na swoju stronu sćahnychu. Chróšćenjo spytachu drje hišće raz přez wrota do hry přińdź, tola mnoho móžnosć sej njewuhrachu. Po flance z praweje strony sej hosćo bul nimale sami do wrotow třělichu. Bul pak padnje pódla wrotow. Kónčny dypk hry mějachu Post Germanojo. Po přehratym bulu Chróšćanow hosćo spěšnje doprědka kombinowachu a rutinjej Marco Müller bul ke kónčnemu stawej 4:0 do wrotow třěli (89.). Krótko na to suwereny sudnik hru wothwizda.
Jasny rezultat rěkaše zdobom kónc jězby Chróšćanow w pokalu. Hosćo běchu před wrotami efektiwni a wužichu mało zmylki Chróšćanow. Tak nastupja Budyšenjo w finalu na Němske Pazlicy, kotryž so w druhim połfinalu přećiwo Rakecam přesadźichu.
Maksimilian Zahrodnik
Zestawa SJC: Škoda – L. Zahrodnik, Mark, Młynk, B. Cyž, Rätze (50. Bogusz), Hawš, M. Zahrodnik, G. Zahrodnik, Bjeńš (81. Wornar), Graf (66. C. Handrik)
Na prěnjej meji wočakowachu Chróšćenjo w poł finalu wokrjesneho pokala Post Germaniju z Budyšina. Rjane wjedro wabješe nimale 500 přihladowarjow do Chrósćic. Cil na wobojich cyłkow bě jasny: hru dobyć a z tym sej tiket za finale w Kulowje zaručić.
Hra bě wot spočatk wurunana. Hosćo hru měrnje natwarichu a mějachu wjetši hrajny podźěl. Domjaci spytachu z dobrym škit agěrować a na zmylki łakachu. Hra měješe hnydom dobru intensitu a skićeše přihladowarjam mnoho dwubojow. Přiwšěm zwosta hra stajnje fairna. Móžnosće běchu rědke, dokelž defensiwnje wobojich mustwow derje zakitowachu. Prěnju móžnosć hry mějachu domjaci. Lucian Zahrodnik so na prawym křidle derje přesadźi a do šěsnatki flankowaše. Tam přińdźe Gabriel Zahrodnik k bulej, ale wrotar třělwu wujasni. Po tym so tež Budyšenjo před wrotami Škoda jewjachu. Tola po róžku nadběhowar bul pódla wrotow sadźi. Hosćo srjedź prěnjeho poł časa hru dale kontrolowachu. Chróšćenjo mnoho situacijow dočasnje wujasnichu, tola mnoho ofensiwnych akcijow njemějachu. Na druhej stronje hosćo krótko do poł časa nawjedowanje docpěchu. Dołhi bul wrotarja nadběhowar z hłójčku podlěši. Anton Stehr dóńdźe k bulej, so do šěsnatki přesadźi a kulowatu kožu do wrotow k 0:1 sadźi (35.).
Chróšćenjo do druheho połčasa lěpje startowachu a sej nětko wjace zwěrichu. Franc Bjeńš so na lěwym křidle předrě. Tola třělwu snadnje nimo wrotow sadźi. Runje w dobrej fazy domjacych wužichu hosćo krótki njeporjad w škiće SJC a Felix Stöltzner docpě w 60. min z třělwu w šěsnatce 2:0. Jenož někotre mjeńšiny po tym wuhrachu Budyšinje rjany konter, kotryž Niklas Schramm na kóncu k 3:0 we wrotach zaměstni (64.). Z tym hosćo hru w běhu krótkeho časa jasne na swoju stronu sćahnychu. Chróšćenjo spytachu drje hišće raz přez wrota do hry přińdź, tola mnoho móžnosć sej njewuhrachu. Po flance z praweje strony sej hosćo bul nimale sami do wrotow třělichu. Bul pak padnje pódla wrotow. Kónčny dypk hry mějachu Post Germanojo. Po přehratym bulu Chróšćanow hosćo spěšnje doprědka kombinowachu a rutinjej Marco Müller bul ke kónčnemu stawej 4:0 do wrotow třěli (89.). Krótko na to suwereny sudnik hru wothwizda.
Jasny rezultat rěkaše zdobom kónc jězby Chróšćanow w pokalu. Hosćo běchu před wrotami efektiwni a wužichu mało zmylki Chróšćanow. Tak nastupja Budyšenjo w finalu na Němske Pazlicy, kotryž so w druhim połfinalu přećiwo Rakecam přesadźichu.
Maksimilian Zahrodnik
Prěnja domjaca poražka
SJ Chrósćicy – HZ Łaz / Běły Chołmc 1:2 (1:0)
Zestawa SJC: Škoda – L. Zahrodnik, M. Zahrodnik, Mark, Wornar, Graf (80. Mi. Zahrodnik), Hawš, Handrik, Bogusz (46. Bjeńš), Matik (62. Rätze), G. Zahrodnik
Njedźelu witachu Chróšćenjo hrajne zjednoćenstwo Łaz / Běły Chołmc při rjanym nalětnim wjedrje na domjacym trawniku. Konstelacija před hry bě jasne, zo chcychu domjaci na kóždy pad połnje přećiwo poslednim tabulce dypkować. Tola wosebje přećiwo mustwam delnjeje połojcy sej Chróšćenjo ćežko činjachu.
Domjaci hru wot spočatka kontrolowachu a bul derje w swojich rjadach dźeržachu. Hač krótko před šěsnatki so husto hdy derje přesadźichu. Tola zwjetša njenamakachu přećiwo hłuboko stejacym škiće rum k wróćće. Tuž so hra mjez šěsnatkomaj wotmě a wobaj cyłkaj sej mało wuhrachu, wšako tež hosći jenož jednu dobru akciju mějachu. Tola Jakub Škoda třělwu z šěsnatki wotwobara. Krótko do połčasa pak móžachu domjaci wyskać. Po flance Clemensa Handrika z praweho křidła hłójčkowaše Gabriel Zahrodnik kulowatu kožu k 1:0 w 36. min do wrotow.
Krótko po połčasu móžachu hosćo wurunać. Nadběhowar bě so derje do šěsnatki přesadźił a posłuži Johna – Pascala Streichera, kiž bul z krótkeje distancy do wrotow třěli (50.). Chróšćenjo na to wotućichu. Tola runja prěnjemu połčasej njemějachu prawu ideju přećiwo hłuboko stejacym abo wolachu překomplikowany puć. Tak jenož rědka strašne akcije nastachu. Třělwu Franca Bjeńša abo wólnej kopaj G. Zahrodnika pak wrotar wujasni. Po něčim njespokojni Chróšćenjo prěčo ofensiwnišo agěrowachu a z tym rumy hosćom k konterowanju skićachu. Jedyn z tajkich móžachu hosćo w 78. min wužić a Max Richter docpě nawjedowanje za swoje barby. Chróšćenjo spytachu po tym ze wšej mocy hišće wurunanje docpěć, ale mnoho móžnosćow so jim njeskićachu. Na kóncu wothwizda sudnik k prěnjej domjacej poražce tutej hrajnje doby. Tuta bě njetrjebawše, tola na kóncu njebě dobyće hosćow cyle njezasłužene.
Hižo štwórtk pak móža koparjo pokazać, zo woni to lěpje móža, hdyž nastupja we poł finalu wokrjesneho pokala na Post Germaniju z Budyšina.
Maksimilian Zahrodnik
Zestawa SJC: Škoda – L. Zahrodnik, M. Zahrodnik, Mark, Wornar, Graf (80. Mi. Zahrodnik), Hawš, Handrik, Bogusz (46. Bjeńš), Matik (62. Rätze), G. Zahrodnik
Njedźelu witachu Chróšćenjo hrajne zjednoćenstwo Łaz / Běły Chołmc při rjanym nalětnim wjedrje na domjacym trawniku. Konstelacija před hry bě jasne, zo chcychu domjaci na kóždy pad połnje přećiwo poslednim tabulce dypkować. Tola wosebje přećiwo mustwam delnjeje połojcy sej Chróšćenjo ćežko činjachu.
Domjaci hru wot spočatka kontrolowachu a bul derje w swojich rjadach dźeržachu. Hač krótko před šěsnatki so husto hdy derje přesadźichu. Tola zwjetša njenamakachu přećiwo hłuboko stejacym škiće rum k wróćće. Tuž so hra mjez šěsnatkomaj wotmě a wobaj cyłkaj sej mało wuhrachu, wšako tež hosći jenož jednu dobru akciju mějachu. Tola Jakub Škoda třělwu z šěsnatki wotwobara. Krótko do połčasa pak móžachu domjaci wyskać. Po flance Clemensa Handrika z praweho křidła hłójčkowaše Gabriel Zahrodnik kulowatu kožu k 1:0 w 36. min do wrotow.
Krótko po połčasu móžachu hosćo wurunać. Nadběhowar bě so derje do šěsnatki přesadźił a posłuži Johna – Pascala Streichera, kiž bul z krótkeje distancy do wrotow třěli (50.). Chróšćenjo na to wotućichu. Tola runja prěnjemu połčasej njemějachu prawu ideju přećiwo hłuboko stejacym abo wolachu překomplikowany puć. Tak jenož rědka strašne akcije nastachu. Třělwu Franca Bjeńša abo wólnej kopaj G. Zahrodnika pak wrotar wujasni. Po něčim njespokojni Chróšćenjo prěčo ofensiwnišo agěrowachu a z tym rumy hosćom k konterowanju skićachu. Jedyn z tajkich móžachu hosćo w 78. min wužić a Max Richter docpě nawjedowanje za swoje barby. Chróšćenjo spytachu po tym ze wšej mocy hišće wurunanje docpěć, ale mnoho móžnosćow so jim njeskićachu. Na kóncu wothwizda sudnik k prěnjej domjacej poražce tutej hrajnje doby. Tuta bě njetrjebawše, tola na kóncu njebě dobyće hosćow cyle njezasłužene.
Hižo štwórtk pak móža koparjo pokazać, zo woni to lěpje móža, hdyž nastupja we poł finalu wokrjesneho pokala na Post Germaniju z Budyšina.
Maksimilian Zahrodnik
MONT_EX je nowy sponsor bandow w sportowym centrumje Jednota.
Wjeselimy so, z MONT_EX – domjacy a industrijny serwis noweho sponsora poboku witać směmy!
Předewzaće podpěruje wotnětka našu SGC z wabjenskej bandu w sportowym centrumje Jednota a skruća z tym regionalny sport.
MONT _ EX poskića wobšěrny serwis kołowokoło domu – wot molerskich dźěłow přez kreatiwne wuhotowanje sćěnow hač k hladanju připrawow.
Wutrobny dźak za angažement – wjeselimy so na zhromadne dźěło!
Předewzaće podpěruje wotnětka našu SGC z wabjenskej bandu w sportowym centrumje Jednota a skruća z tym regionalny sport.
MONT _ EX poskića wobšěrny serwis kołowokoło domu – wot molerskich dźěłow přez kreatiwne wuhotowanje sćěnow hač k hladanju připrawow.
- Kontakt: 0162 / 2810291
Wutrobny dźak za angažement – wjeselimy so na zhromadne dźěło!
Chróšćenjo połfinale docpěli
ST Porchow – SJ Chrósćicy 1:2 (0:0)
Zestawa SJC: Škoda – J. Donat (89. Sćapan), Młynk, Mark, Graf (88. M. Donat), L. Zahrodnik, Handrik, M. Zahrodnik, Bjeńš, Bogusz, Kř. Zahrodnik (90. Mi. Zahrodnik)
W štwórćfinalu wokrjesneho pokala nastupichu Chróšćenjo njedźelu w Porchowje. Tamniša sportowa jednotka hraje klasu niže. Z tym běštej róli jasnje rozdźělenej. Za trenarsku dwójku Chróšćanow Philippa Marka a Feliksa Zahrodnika so personalna situacija wosebje zranjenjow dla přeco hišće polěpšiła njeje. Tuž někotři koparjo z druheho mustwa wupomhachu. Na twjerdym hrajnišću měještaj wobaj cyłkaj spočatnje ćeže. Tu spytachu wosebje z dołhimi bulemi agěrować. Z tym pak wobě stronje wulce wuspěšnej njeběštej. Tola poněčim mějachu Chróšćenjo prěnje móžnosće. Po kombinaciji přez prawe křidło posłuži Lucian Zahrodnik bratra Maksimiliana w šěsnatce. Jeho třělwu pak škitar před wrotami wotwobara. Krótko na to so Franc Bjeńš přez křidło předrě. Jeho flanka trjechi na Křesćana Zahrodnika, wrotar pak z jeho třělwu přewulke problemy njeměješe. Kónc prěnjeho połčasa zhubichu hosćo nitku a Porchowčenjo tłóčachu na nawjedowanje. Přeco zaso dóńdźe k strašnym standardam. Tute škitarjo wokoło Klemensa Marka a wrotarja Jakuba Škody derje znješkódnichu. W dalšej situaciji pak bě Škoda bjez šansy. Třělwa z 25 metrow prasny wot žerdźe zaso wróćo na hrajnišćo. W dalšej akciji ležeše bul we wrotach hosći. Tola pobóčny sudnik rozsudźi na nimohru. Tak dźěchu Chróšćenjo z tróšku zbožom bjez wrotow do połčasa. Spočatk druheho połčasa bě wurunany. Prěnje móžnosće mějachu zaso Chróšćenjo, tute pak njeběchu dokładnje dosć abo třělwy wrota misnychu. W 54. min. postaji sudnik k zadźiwanju Chróšćanow indirektny wólny kop před šěsnatku. Tutu dobru móžnosć Ricardo Winkler wuži, tak zo Porchow nawjedowaše. Krótko po tym mějachu domjacy móžnosć za dalše wrota. Tola Škoda třělwu derje z nohu wotwobara. Po tym so Chróšćenjo w hrě zaso sylnišo angažowachu. Flanka Józefa Donata trjechi w šěsnatce Alwina Grafa, kotryž bul w 65. mjeń. wuspěšnje z hłowu do wrotow podlěši – 1:1. Jenož někotre mjeńšiny pozdźišo měješe SJC dwójnu šansu za nawjedowanje. Po přihrawce Clemensa Handrika zwrěšći Jan Bogusz na wrotarju. Wottam skoči bul Grafej před noze, ale tež jeho třělwa wrota misny. Přiwšěm tłóčachu Chróšćenjo nětko na dalše wrota. Wólny kop z lěweje strony přinjese Handrik strašnje do šěsnatki, hdźež Mark kulowatu kožu do klětki k 1:2 (81.) zhłójčkowa. W poslednich mjeńšinach móžachu hosćo wšitke pospyty Porchowčanow wotwobarać. Tuž sudnik na kóncu k dobyću za SJC wothwizda. Z tym steja Chróšćenjo w połfinalu wokrjesneho pokala. Tam nastupja štwórtk, 1. meje, doma přećiwo Póstej Germaniji Budyšin. Sobotu hraje SJC w Korzymju přećiwo mustwu Horni kraj/Sprjewja.
Maksimilian Zahrodnik
Zestawa SJC: Škoda – J. Donat (89. Sćapan), Młynk, Mark, Graf (88. M. Donat), L. Zahrodnik, Handrik, M. Zahrodnik, Bjeńš, Bogusz, Kř. Zahrodnik (90. Mi. Zahrodnik)
W štwórćfinalu wokrjesneho pokala nastupichu Chróšćenjo njedźelu w Porchowje. Tamniša sportowa jednotka hraje klasu niže. Z tym běštej róli jasnje rozdźělenej. Za trenarsku dwójku Chróšćanow Philippa Marka a Feliksa Zahrodnika so personalna situacija wosebje zranjenjow dla přeco hišće polěpšiła njeje. Tuž někotři koparjo z druheho mustwa wupomhachu. Na twjerdym hrajnišću měještaj wobaj cyłkaj spočatnje ćeže. Tu spytachu wosebje z dołhimi bulemi agěrować. Z tym pak wobě stronje wulce wuspěšnej njeběštej. Tola poněčim mějachu Chróšćenjo prěnje móžnosće. Po kombinaciji přez prawe křidło posłuži Lucian Zahrodnik bratra Maksimiliana w šěsnatce. Jeho třělwu pak škitar před wrotami wotwobara. Krótko na to so Franc Bjeńš přez křidło předrě. Jeho flanka trjechi na Křesćana Zahrodnika, wrotar pak z jeho třělwu přewulke problemy njeměješe. Kónc prěnjeho połčasa zhubichu hosćo nitku a Porchowčenjo tłóčachu na nawjedowanje. Přeco zaso dóńdźe k strašnym standardam. Tute škitarjo wokoło Klemensa Marka a wrotarja Jakuba Škody derje znješkódnichu. W dalšej situaciji pak bě Škoda bjez šansy. Třělwa z 25 metrow prasny wot žerdźe zaso wróćo na hrajnišćo. W dalšej akciji ležeše bul we wrotach hosći. Tola pobóčny sudnik rozsudźi na nimohru. Tak dźěchu Chróšćenjo z tróšku zbožom bjez wrotow do połčasa. Spočatk druheho połčasa bě wurunany. Prěnje móžnosće mějachu zaso Chróšćenjo, tute pak njeběchu dokładnje dosć abo třělwy wrota misnychu. W 54. min. postaji sudnik k zadźiwanju Chróšćanow indirektny wólny kop před šěsnatku. Tutu dobru móžnosć Ricardo Winkler wuži, tak zo Porchow nawjedowaše. Krótko po tym mějachu domjacy móžnosć za dalše wrota. Tola Škoda třělwu derje z nohu wotwobara. Po tym so Chróšćenjo w hrě zaso sylnišo angažowachu. Flanka Józefa Donata trjechi w šěsnatce Alwina Grafa, kotryž bul w 65. mjeń. wuspěšnje z hłowu do wrotow podlěši – 1:1. Jenož někotre mjeńšiny pozdźišo měješe SJC dwójnu šansu za nawjedowanje. Po přihrawce Clemensa Handrika zwrěšći Jan Bogusz na wrotarju. Wottam skoči bul Grafej před noze, ale tež jeho třělwa wrota misny. Přiwšěm tłóčachu Chróšćenjo nětko na dalše wrota. Wólny kop z lěweje strony přinjese Handrik strašnje do šěsnatki, hdźež Mark kulowatu kožu do klětki k 1:2 (81.) zhłójčkowa. W poslednich mjeńšinach móžachu hosćo wšitke pospyty Porchowčanow wotwobarać. Tuž sudnik na kóncu k dobyću za SJC wothwizda. Z tym steja Chróšćenjo w połfinalu wokrjesneho pokala. Tam nastupja štwórtk, 1. meje, doma přećiwo Póstej Germaniji Budyšin. Sobotu hraje SJC w Korzymju přećiwo mustwu Horni kraj/Sprjewja.
Maksimilian Zahrodnik
Bojowniski serbski derby bjez wrotow
SJ Chrósćicy – DJK Sokoł Ralbicy/Hórki 0:0
Zestawa SJC: Škoda – Mark, Zynda (71. J. Donat), B. Cyž, L. Zahrodnik, M. Zahrodnik, B. Donat (81. Handrik), G. Zahrodnik, Graf (15. Bjeńš), Bogusz, Młynk (64. Kř. Zahrodnik)
Na Hórčan sportnišću wotmě so njedźelu we wokrjesnej wyšej lize napjaty serbski derby mjez Chróšćanami a Ralbičanami. Rjane wjedro bě nimale 400 přihladowarjow přiwabiło. Prěni derby sezony w Delanach wšak bě so při trajnym dešću 1:1 skónčił. Runje tak wurunany je tuchwilny staw w tabulce, hdźež maja Chróšćenjo jedne wrota wjace a steja z tym městno před Ralbicami.
Wobaj cyłkaj startowaštej derje do hry, kotruž postajowachu wot spočatka dwuboje a mnohe foule. Prěnju móžnosć mějachu hosćo. Po wólnym kopje Dennyja Gloxyna z praweje strony Stani Šewc z hłójčku wrota snadnje misny. Dalše móžnosće přez standardy Chróšćenjo derje wotwobarachu. Na druhej stronje nastachu najstrašniše situacije přez prawe křidło. Lucian Zahrodnik so tam wjac króć derje přesadźi. Naposledk pak nadběhowarjej dobre móžnosće njewužiwaštaj. Intensita hry znutřka a zwonka hladajcy přiběraše. Mnoho foulow hru hustohdy přetorhnychu. Tuž měješe tež sudnik tójšto dźěła. Na kóncu pokaza hosćom šěsć króć žołtu kartu, domjacym trójce. Móžnosće, wrota docpěć, běchu na woběmaj stronomaj w prěnim połčasu rědke.
W druhim połčasu so wobraz prěnjeho špihelowaše. Přihladowarjo widźachu mało šansow na wrota, za to pak intensiwne dwuboje. Z prosteje hry so Chróšćanam a Ralbičanam na Hórčan trawniku mało ofensiwnych akcijow poradźi. Tola mnohe standardy běchu strašne. Škitaj hosći wokoło Aleksandra Wałdy a domjacych wokoło Bosćija Cyža pak wšitke derje zmištrowaštej. Hra zwosta hač do kónca napjata. W poslednjej štwórćinje hry hraještej wobaj cyłkaj z wotewrjenym wizěrom. Wobaj chcyštej z dobrej akciju derby za sebje rozsudźić. Zaměnjeny Ralbičan Pawl Rachela so přez prawe křidło derje do šěsnatki přesadźi. Jeho přihrawka trjechi na kóncu na noze Janeka Mikławška. Třělwu z krótkeje distancy pak Jan Bogusz w poslednim wokomiku k róžkej blokowaše. Na druhej stronje mějachu Chróšćenjo krótko do kónca po foulu před šěsnatku tež hišće dobru móžnosć. Wólny kop Gabriela Zahrodnika pak wrota snadnje misny. Na kóncu tuž sudnik serbski derby bjez dobyćerja a wrotow wothwizda.
Wobaj cyłkaj běštej wot spočatka hač do kónca wulki bój pokazałoj. Hra bě wurunana, hačrunjež sej wobě mustwje mnoho jasnych móžnosćow wuhrałoj njejstej. Chróšćenjo nastupja přichodny tydźeń w štwórćfinalu wokrjesneho pokala přećiwo Porchowej
Maksimilian Zahrodnik
Zestawa SJC: Škoda – Mark, Zynda (71. J. Donat), B. Cyž, L. Zahrodnik, M. Zahrodnik, B. Donat (81. Handrik), G. Zahrodnik, Graf (15. Bjeńš), Bogusz, Młynk (64. Kř. Zahrodnik)
Na Hórčan sportnišću wotmě so njedźelu we wokrjesnej wyšej lize napjaty serbski derby mjez Chróšćanami a Ralbičanami. Rjane wjedro bě nimale 400 přihladowarjow přiwabiło. Prěni derby sezony w Delanach wšak bě so při trajnym dešću 1:1 skónčił. Runje tak wurunany je tuchwilny staw w tabulce, hdźež maja Chróšćenjo jedne wrota wjace a steja z tym městno před Ralbicami.
Wobaj cyłkaj startowaštej derje do hry, kotruž postajowachu wot spočatka dwuboje a mnohe foule. Prěnju móžnosć mějachu hosćo. Po wólnym kopje Dennyja Gloxyna z praweje strony Stani Šewc z hłójčku wrota snadnje misny. Dalše móžnosće přez standardy Chróšćenjo derje wotwobarachu. Na druhej stronje nastachu najstrašniše situacije přez prawe křidło. Lucian Zahrodnik so tam wjac króć derje přesadźi. Naposledk pak nadběhowarjej dobre móžnosće njewužiwaštaj. Intensita hry znutřka a zwonka hladajcy přiběraše. Mnoho foulow hru hustohdy přetorhnychu. Tuž měješe tež sudnik tójšto dźěła. Na kóncu pokaza hosćom šěsć króć žołtu kartu, domjacym trójce. Móžnosće, wrota docpěć, běchu na woběmaj stronomaj w prěnim połčasu rědke.
W druhim połčasu so wobraz prěnjeho špihelowaše. Přihladowarjo widźachu mało šansow na wrota, za to pak intensiwne dwuboje. Z prosteje hry so Chróšćanam a Ralbičanam na Hórčan trawniku mało ofensiwnych akcijow poradźi. Tola mnohe standardy běchu strašne. Škitaj hosći wokoło Aleksandra Wałdy a domjacych wokoło Bosćija Cyža pak wšitke derje zmištrowaštej. Hra zwosta hač do kónca napjata. W poslednjej štwórćinje hry hraještej wobaj cyłkaj z wotewrjenym wizěrom. Wobaj chcyštej z dobrej akciju derby za sebje rozsudźić. Zaměnjeny Ralbičan Pawl Rachela so přez prawe křidło derje do šěsnatki přesadźi. Jeho přihrawka trjechi na kóncu na noze Janeka Mikławška. Třělwu z krótkeje distancy pak Jan Bogusz w poslednim wokomiku k róžkej blokowaše. Na druhej stronje mějachu Chróšćenjo krótko do kónca po foulu před šěsnatku tež hišće dobru móžnosć. Wólny kop Gabriela Zahrodnika pak wrota snadnje misny. Na kóncu tuž sudnik serbski derby bjez dobyćerja a wrotow wothwizda.
Wobaj cyłkaj běštej wot spočatka hač do kónca wulki bój pokazałoj. Hra bě wurunana, hačrunjež sej wobě mustwje mnoho jasnych móžnosćow wuhrałoj njejstej. Chróšćenjo nastupja přichodny tydźeń w štwórćfinalu wokrjesneho pokala přećiwo Porchowej
Maksimilian Zahrodnik
Jasna poražka w Großnaundorfje
SJ Großnaundorf – SJ Chrósćicy 5:1 (2:0)
Zestawa SJC: M. Cyž – Zynda, B. Cyž, Mark, L. Zahrodnik, M. Zahrodnik, B. Donat, G. Zahrodnik, Bogusz, Bjeńš (62. J. Donat), Młynk (75. Kř. Zahrodnik)
Na wosomnatym hrajnym dnju dojědźechu sej Chróšćenjo na wonkownu hru do Großnaundorfa. Duel w prěnjej połseriji móžachu koparjo SJC jasnje za sebje rozsudźić. Po dobyću tydźenja w Rakecach by dalše rady w Großnaundorfje sćěhować móhło. Tola start do hry hosćo dospołnje skepsachu. Hižo w druhej mjeńšinje domjacy prěni króć wyskachu. Dołhi bul do šěsnatki njemóžachu Chróšćenjo porjadnje zwužitkować. Lukas Menzel wuži móžnosć a z krótkeje distancy prěnje wrota k 1:0 třěli. Krótko na to ležeše bul znowa po třělwje Menzela we wrotach. Menzel mjezyrezultat na 2:0 zwyši (6.). Po špatnym starće so Chróšćenjo zhrabachu. Přeco zaso so přez lěwe křidło předrěchu. Po jednej tajkej akciji posłuži Lucian Zahrodnik Gabriela Zahrodnika z niskej přihrawku na kromje šěsnatki. Jeho třělwu pak wrotar k róžkej wotwobara. Slědowacy a tež dalše róžki pak njezamóchu Chróšćenjo wužiwać. Dalšu dobru móžnosć měješe Jan Bogusz. Tola tež jeho třělwu wrotar znješkódni. Na druhej stronje pak mějachu tež domjacy tu a tamnu móžnosć za dalše wrota. Matej Cyž, kotryž Jakuba Škodu we wrotach zastupowaše, pak dalšemu triumfej zadźěwa. W druhim połčasu Chróšćenjo zahe wrota docpěchu: G. Zahrodnik hraješe bul wyše škita domjacych na Bogusza, kotryž so do šěsnatki předrě a bul wyše wrotarja do klětki trjechi (46.). Krótko po tym mějachu Chróšćenjo dalšu dobru móžnosć. Po flance ze srjedźneho pola zleća bul L. Zahrodnikej před noze. Jeho třělwa pak prasny na pobóčnu žerdź. W tutej fazy tłóčachu hosćo na wurunanje, štož pak so jim njeporadźi. Tole hosćićeljo wužichu a hru w krótkim času nimale rozsudźichu. Po róžku docpě Nico Söhnel w 69. min 3:1 a w 72. min Damian Deinert derje wuhraty konter k 4:1 přetwori. Tež po tym mějachu Chróšćenjo hišće někotre ofensiwne akcije. Tola dobry škit domjacych jim jenož hišće mało dowoli. Kónčny dypk hry postaji Deinert w 85. min, jako swoje druhe wrota docpě a wuslědk na 5:1 zwyši. Na wukon, ale tež na nastajenje zašłeho tydźenja njejsu Chróšćenjo nawjazać móhli. Domjacy su zmylki Chróšćanow na tutym dnju derje wužili a w dobrych wokomikach wrota docpěli. Přichodnu njedźelu wotměje so serbski derby, hdyž budu koparjo z Delan z hosćom.
Maksimilian Zahrodnik
Zestawa SJC: M. Cyž – Zynda, B. Cyž, Mark, L. Zahrodnik, M. Zahrodnik, B. Donat, G. Zahrodnik, Bogusz, Bjeńš (62. J. Donat), Młynk (75. Kř. Zahrodnik)
Na wosomnatym hrajnym dnju dojědźechu sej Chróšćenjo na wonkownu hru do Großnaundorfa. Duel w prěnjej połseriji móžachu koparjo SJC jasnje za sebje rozsudźić. Po dobyću tydźenja w Rakecach by dalše rady w Großnaundorfje sćěhować móhło. Tola start do hry hosćo dospołnje skepsachu. Hižo w druhej mjeńšinje domjacy prěni króć wyskachu. Dołhi bul do šěsnatki njemóžachu Chróšćenjo porjadnje zwužitkować. Lukas Menzel wuži móžnosć a z krótkeje distancy prěnje wrota k 1:0 třěli. Krótko na to ležeše bul znowa po třělwje Menzela we wrotach. Menzel mjezyrezultat na 2:0 zwyši (6.). Po špatnym starće so Chróšćenjo zhrabachu. Přeco zaso so přez lěwe křidło předrěchu. Po jednej tajkej akciji posłuži Lucian Zahrodnik Gabriela Zahrodnika z niskej přihrawku na kromje šěsnatki. Jeho třělwu pak wrotar k róžkej wotwobara. Slědowacy a tež dalše róžki pak njezamóchu Chróšćenjo wužiwać. Dalšu dobru móžnosć měješe Jan Bogusz. Tola tež jeho třělwu wrotar znješkódni. Na druhej stronje pak mějachu tež domjacy tu a tamnu móžnosć za dalše wrota. Matej Cyž, kotryž Jakuba Škodu we wrotach zastupowaše, pak dalšemu triumfej zadźěwa. W druhim połčasu Chróšćenjo zahe wrota docpěchu: G. Zahrodnik hraješe bul wyše škita domjacych na Bogusza, kotryž so do šěsnatki předrě a bul wyše wrotarja do klětki trjechi (46.). Krótko po tym mějachu Chróšćenjo dalšu dobru móžnosć. Po flance ze srjedźneho pola zleća bul L. Zahrodnikej před noze. Jeho třělwa pak prasny na pobóčnu žerdź. W tutej fazy tłóčachu hosćo na wurunanje, štož pak so jim njeporadźi. Tole hosćićeljo wužichu a hru w krótkim času nimale rozsudźichu. Po róžku docpě Nico Söhnel w 69. min 3:1 a w 72. min Damian Deinert derje wuhraty konter k 4:1 přetwori. Tež po tym mějachu Chróšćenjo hišće někotre ofensiwne akcije. Tola dobry škit domjacych jim jenož hišće mało dowoli. Kónčny dypk hry postaji Deinert w 85. min, jako swoje druhe wrota docpě a wuslědk na 5:1 zwyši. Na wukon, ale tež na nastajenje zašłeho tydźenja njejsu Chróšćenjo nawjazać móhli. Domjacy su zmylki Chróšćanow na tutym dnju derje wužili a w dobrych wokomikach wrota docpěli. Přichodnu njedźelu wotměje so serbski derby, hdyž budu koparjo z Delan z hosćom.
Maksimilian Zahrodnik
Naš sport je wjacorěčny
Sport zwjazuje ludźi a přewinje hranicy, z tym zo zwjazanosć, respekt a zhromadnosć spěchuje – wosebje w kopańcy, hdźež je teamowy duch esencielny. Fairnosć a toleranca stejitej w sportowym wubědźowanju w srjedźišću, njewotwisnje wot pochada abo rěče. W Budyskim wokrjesu ze swojej serbsko-němskej dwurěčnosću pokazuje so tuta wšelakorosć tež w sporće, na čož je region hordy. Sport pohibuje, zjednoća a rěči rěč, kotruž wšitcy rozumja.
Ze srědkow krajneho sejma móžachu nětko zhromadnje z Domowinu, wokrjesom Budyšin a Zapadołužiskim koparskim zwjazkom z.t. projekt k zwyšenju widźomnosće dwurěčnosće zwoprawdźić.
Na kopanišću budźe tole nětko tež z poćišćanymi treningowymi ćělesemi za dźěći, młodostnych a dorosćenych pola SJC widźomne.
Přinošk MDR Sachsenspiegel
Ze srědkow krajneho sejma móžachu nětko zhromadnje z Domowinu, wokrjesom Budyšin a Zapadołužiskim koparskim zwjazkom z.t. projekt k zwyšenju widźomnosće dwurěčnosće zwoprawdźić.
Na kopanišću budźe tole nětko tež z poćišćanymi treningowymi ćělesemi za dźěći, młodostnych a dorosćenych pola SJC widźomne.
Přinošk MDR Sachsenspiegel
Hórka poražka za SJC
ST Póst Germania Budyšin - SJ Chrósćicy
Zestawa SJC: Škoda, Graf (´55 Młynk), Zynda, F.Cyž, B.Cyž (´61 Wenzel), Mark, G.Zahrodnik, Rätze, Handrik, Bogusz, Matik (´55 L.Zahrodnik),
Minjenu sobotu dojědźechu sej Chróšćenjo do Sprjewineho města. Tam bě jich susod tabulki ST Póst Germania Budyšin wočakował. Něšto wjace hač sto přihladowarjow widźeše w prěnich mjeńšinach dosć wurunanu hru. Prěnju dobru móžnosć mějachu hosćo z Chrósćic. Jan Bogusz wotpołoži na Alwina Mütznera, jeho centralnje placěrowanu třělwu pak wrotar wotwobara. Běše to zdobom najlěpša faza Chrósćenjow. We 18. mjeńšinje tež na tamnej stronje wrotar Jakub Škoda wólny kop najprjedy wotwobara. Po někotrych mjezystacijach padnje pak kula před nohi Niklasa Schramma, kotryž ju na to bjez problemow do lěweho róžka k stawje 1:0 zaměstni. Něhdźe 10 mjeńšin pozdźišo Budyšenjo dalši dobry konter startowachu. Njezbožownje wotskoči bul wot nohi Chróšćanskeho škitarja do směra jědnatki. Tutón króć steješe tam Bruno Brückner samlutki prawje a na 2:0 zwyši. Chróšćenjo móžachu so jenož ćežko doprědka přesadźić. Třělwy hosći so w poslednim wokomiku wot zakitowarjow přećiwnika wotblokowachu. Husto hdy pobrachowachu mustwje SJC ideje ale wosbje tež dokładnosć při bulu. To Budyšenjo wužichu a tak w 36. mjeńšinje na 3:0 zwyšichu. Jonathan Pech so derje w šěsnatce hosći přesadźi a bul zymnokrejnje do praweho kuta zaměstni. Domjace mustwo bě Chrósćenjow přeco zaso zahe nadběhowało, tak zo mějachu tući wulke ćeže bul scyła do druheje połojcy hrajnišća dóstać. SV Póst Germania Budyšin tak swoje nawjedowanje samo hišće wutwari. W přidatnym času prěnjeje połojcy wuhra Kevin Noack zakitowacych hrajerjow a zběhny bul na to přez wrotarja. Ze stawom 4:0 so wobě mustwje do předrasćernjow podaštej.
Po změnje stronow běše tempo hry trochu popušćił. Budyšenjo hižo telko čisća njewukonjachu. Za to Chróšćenjo tu abo tam strašniše kontery startowachu a hižo lěpše kombinacije w srjedźnym polu pokazachu. Přeco zaso spytachu so nětko tež přez lěwu a prawu stronu do šěsnatki přećiwnika dóstać. Najebać zdźěla dobrych přihrawkow pak so jim wrota na tutym dnju njeradźichu. Za to pak přećiwnik samo hišće na 5:0 zwyši. W 75. mjeńšinje dósta nadběhowar Marco Müller přihrawku z lěweje strony a suny bul bjez ćežow do lěweho róžka. Posledni wotrězk hrě běše wosebje přez mnohe fouly a dwuboje dominowany. Hosćo z Chrósćic kónčny staw hižo korigować njemóžachu a sudnik hru ze stawom 5:0 wothwizda. Tak hodźi so rjec, zo je słaba prěnja połojca hru rozsudźiła. Za Chrósćenjow běše to zdobom druha poražka sezony. Njedźelu přijědźe mustwo SV Zeleno-běli Bukecy do Chrósćic. Tam chcedźa so serbscy koparjo z lěpšeje strony pokazać a zastawk w tabulce znowa nachwatać.
Zestawa SJC: Škoda, Graf (´55 Młynk), Zynda, F.Cyž, B.Cyž (´61 Wenzel), Mark, G.Zahrodnik, Rätze, Handrik, Bogusz, Matik (´55 L.Zahrodnik),
Minjenu sobotu dojědźechu sej Chróšćenjo do Sprjewineho města. Tam bě jich susod tabulki ST Póst Germania Budyšin wočakował. Něšto wjace hač sto přihladowarjow widźeše w prěnich mjeńšinach dosć wurunanu hru. Prěnju dobru móžnosć mějachu hosćo z Chrósćic. Jan Bogusz wotpołoži na Alwina Mütznera, jeho centralnje placěrowanu třělwu pak wrotar wotwobara. Běše to zdobom najlěpša faza Chrósćenjow. We 18. mjeńšinje tež na tamnej stronje wrotar Jakub Škoda wólny kop najprjedy wotwobara. Po někotrych mjezystacijach padnje pak kula před nohi Niklasa Schramma, kotryž ju na to bjez problemow do lěweho róžka k stawje 1:0 zaměstni. Něhdźe 10 mjeńšin pozdźišo Budyšenjo dalši dobry konter startowachu. Njezbožownje wotskoči bul wot nohi Chróšćanskeho škitarja do směra jědnatki. Tutón króć steješe tam Bruno Brückner samlutki prawje a na 2:0 zwyši. Chróšćenjo móžachu so jenož ćežko doprědka přesadźić. Třělwy hosći so w poslednim wokomiku wot zakitowarjow přećiwnika wotblokowachu. Husto hdy pobrachowachu mustwje SJC ideje ale wosbje tež dokładnosć při bulu. To Budyšenjo wužichu a tak w 36. mjeńšinje na 3:0 zwyšichu. Jonathan Pech so derje w šěsnatce hosći přesadźi a bul zymnokrejnje do praweho kuta zaměstni. Domjace mustwo bě Chrósćenjow přeco zaso zahe nadběhowało, tak zo mějachu tući wulke ćeže bul scyła do druheje połojcy hrajnišća dóstać. SV Póst Germania Budyšin tak swoje nawjedowanje samo hišće wutwari. W přidatnym času prěnjeje połojcy wuhra Kevin Noack zakitowacych hrajerjow a zběhny bul na to přez wrotarja. Ze stawom 4:0 so wobě mustwje do předrasćernjow podaštej.
Po změnje stronow běše tempo hry trochu popušćił. Budyšenjo hižo telko čisća njewukonjachu. Za to Chróšćenjo tu abo tam strašniše kontery startowachu a hižo lěpše kombinacije w srjedźnym polu pokazachu. Přeco zaso spytachu so nětko tež přez lěwu a prawu stronu do šěsnatki přećiwnika dóstać. Najebać zdźěla dobrych přihrawkow pak so jim wrota na tutym dnju njeradźichu. Za to pak přećiwnik samo hišće na 5:0 zwyši. W 75. mjeńšinje dósta nadběhowar Marco Müller přihrawku z lěweje strony a suny bul bjez ćežow do lěweho róžka. Posledni wotrězk hrě běše wosebje přez mnohe fouly a dwuboje dominowany. Hosćo z Chrósćic kónčny staw hižo korigować njemóžachu a sudnik hru ze stawom 5:0 wothwizda. Tak hodźi so rjec, zo je słaba prěnja połojca hru rozsudźiła. Za Chrósćenjow běše to zdobom druha poražka sezony. Njedźelu přijědźe mustwo SV Zeleno-běli Bukecy do Chrósćic. Tam chcedźa so serbscy koparjo z lěpšeje strony pokazać a zastawk w tabulce znowa nachwatać.
Překwapjenka
We wobłuku wubědźowanja sportowych towarstwow 2024 kampanje „So geht sächsisch.“ wotmě so na 09.09.2024 wosebita překwapjenska akcija za našeho wjelelětneho a angažowaneho młodźinskeho trenarja Steffena Bernarda. Zhromadnje z jeho koparskej skupinu z misionskeho dwora Lěska zeńdźechu so k grilowanskemu wječorkej, na kotrymž njesteješe jenož słódna jědź, ale tež dobra nalada na prěnim městnje. Bě to rjane začuće, tak zasłuženemu čestnohamtsce skutkowaćelej kaž Steffenej za swoje njesprócniwe zasadźenje něšto wróćić móc.
#sogehtsächsisch #LSBSachsenüberrascht
#sogehtsächsisch #LSBSachsenüberrascht
Jasne domjace dobyće
SJ Chrósćicy – SJ Großnaundorf 3:0 (1:0)
Zestawa SJC: Škoda – Rätze (79. Wencl), F. Cyž, Zynda, B. Cyž, Graf, Hawš (79. Wornar), M. Zahrodnik, Matik (84. Donat), G. Zahrodnik (89. Bjeńš), Bogusz (84. Młynk)
Njedźelu čakaše na Chróšćanow ćežki nadawk přećiwo Großnaundorfej. Hosćo běchu dotal wobě hrě jasnje za sebje rozsudźili. Tola koparjo SJC běchu sej w tutej hrě wjele předewzali. To wot spočatka tež na hrajnišću pokazachu. Woni spytachu hosći zahe pod ćišć stajeć a jich tak k dołhim bulam a zmylkam nuzować. To so jim přez cyłu hru derje poradźi. Tak měješe Jan Bogusz prěnju móžnosć, jako so po zdobytym bulu před šěsnatku přesadźi. Jeho třělwa pak wrota misny. Po tym so hra najprjedy raz neutralizowaše. 150 přihladowarjow mnoho šansow njewidźeše. Tola hra bě charakterizowana wot mnohich dwubojow. Hosćo běchu wosebje po standartach a dołhich zamjetach strašni. Tute pak móžeše škit wokoło Feliksa Cyža derje zakitować. Kónc prěnjeho połčasa pak móžachu domjacy hišće raz ćišć powyšić. Po róžku hłójčkowaše Bosćij Cyž na łatu. Hosćo wujasnichu situaciju k dalšemu róžkej. Po tutym dósta Alwin Graf kulowatu kožu na kromje šěsnatki a smokny ju k 1:0 do saka (35.).
Tež w druhim přechodźe spytachu Chróšćenjo dale atakěrować a z tym hru postajowachu. W 52. min. docpěchu zasłužene druhe wrota. Třělwa Maksimiliana Zahrodnika z kromy šěsnatki bě poprawom njestrašna. Tola tuta padny Boguszej před noze. Chróšćan z krótkeje distancy bul we wrotach zaměstni. SJC tłóčeše w tutej fazy na dalše wrota. Po wólnym kopje podlěši F. Cyž bul z hłójčku, ale wrotar z wuběrnej akciju najprjedy raz dalšim wrotam zadźěwa. Na druhej stronje so hač dotal w druhim połčasu ničo wulce před klětku Jakuba Škody njesta. Ćišć Chróšćanow nuzowaše koparjow z Großnaundorfa přeco zaso k zmylkam abo dwubojam, hdźež běchu domjacy na tutym dnju husto hdy dobyćerjo. Přez zmylk w natwarje nastachu dalše wrota. M. Zahrodnik sej bul w połojcy hosći zdoby a w šěsnatce Bogusza posłuži, kiž bjez problemow bul do wrotow suny. Młody Chróšćan šrubowaše z druhimi wrotami dnja rezultat na 3:0 (75.). Chróšćenjo móžachu hru w poslednich mjeńšinach derje kontrolować, šansu na dalše wrota pak wuwostajichu. Hosćo njemějachu přećiwo škitej SJC prawu ideju. Tak wothwizda sudnik k zasłuženym dobyću za SJC.
Přichodnu njedźelu nachwataja Chróšćenjo 1. pokalne koło w Bretnig-Hauswalde.
Maksimilian Zahrodnik
Zestawa SJC: Škoda – Rätze (79. Wencl), F. Cyž, Zynda, B. Cyž, Graf, Hawš (79. Wornar), M. Zahrodnik, Matik (84. Donat), G. Zahrodnik (89. Bjeńš), Bogusz (84. Młynk)
Njedźelu čakaše na Chróšćanow ćežki nadawk přećiwo Großnaundorfej. Hosćo běchu dotal wobě hrě jasnje za sebje rozsudźili. Tola koparjo SJC běchu sej w tutej hrě wjele předewzali. To wot spočatka tež na hrajnišću pokazachu. Woni spytachu hosći zahe pod ćišć stajeć a jich tak k dołhim bulam a zmylkam nuzować. To so jim přez cyłu hru derje poradźi. Tak měješe Jan Bogusz prěnju móžnosć, jako so po zdobytym bulu před šěsnatku přesadźi. Jeho třělwa pak wrota misny. Po tym so hra najprjedy raz neutralizowaše. 150 přihladowarjow mnoho šansow njewidźeše. Tola hra bě charakterizowana wot mnohich dwubojow. Hosćo běchu wosebje po standartach a dołhich zamjetach strašni. Tute pak móžeše škit wokoło Feliksa Cyža derje zakitować. Kónc prěnjeho połčasa pak móžachu domjacy hišće raz ćišć powyšić. Po róžku hłójčkowaše Bosćij Cyž na łatu. Hosćo wujasnichu situaciju k dalšemu róžkej. Po tutym dósta Alwin Graf kulowatu kožu na kromje šěsnatki a smokny ju k 1:0 do saka (35.).
Tež w druhim přechodźe spytachu Chróšćenjo dale atakěrować a z tym hru postajowachu. W 52. min. docpěchu zasłužene druhe wrota. Třělwa Maksimiliana Zahrodnika z kromy šěsnatki bě poprawom njestrašna. Tola tuta padny Boguszej před noze. Chróšćan z krótkeje distancy bul we wrotach zaměstni. SJC tłóčeše w tutej fazy na dalše wrota. Po wólnym kopje podlěši F. Cyž bul z hłójčku, ale wrotar z wuběrnej akciju najprjedy raz dalšim wrotam zadźěwa. Na druhej stronje so hač dotal w druhim połčasu ničo wulce před klětku Jakuba Škody njesta. Ćišć Chróšćanow nuzowaše koparjow z Großnaundorfa přeco zaso k zmylkam abo dwubojam, hdźež běchu domjacy na tutym dnju husto hdy dobyćerjo. Přez zmylk w natwarje nastachu dalše wrota. M. Zahrodnik sej bul w połojcy hosći zdoby a w šěsnatce Bogusza posłuži, kiž bjez problemow bul do wrotow suny. Młody Chróšćan šrubowaše z druhimi wrotami dnja rezultat na 3:0 (75.). Chróšćenjo móžachu hru w poslednich mjeńšinach derje kontrolować, šansu na dalše wrota pak wuwostajichu. Hosćo njemějachu přećiwo škitej SJC prawu ideju. Tak wothwizda sudnik k zasłuženym dobyću za SJC.
Přichodnu njedźelu nachwataja Chróšćenjo 1. pokalne koło w Bretnig-Hauswalde.
Maksimilian Zahrodnik
Wurunana hra w Rakecach
ST Rakecy - SJ Chrósćicy 1:1 (1:1)
Zestawa SJC: Škoda – Rätze (88. Mark), F. Cyž, Zynda, B. Cyž, Graf (55. Handrik), M. Zahrodnik (76. Wornar), Hawš, Matik, G. Zahrodnik (83. Donat), Bogusz (83. Młynk)
Na druhim hrajnym dnju dojědźechu sej Chróšćenjo do Rakec. Wobaj cyłkaj běštej zašłe lěta w krajnej klasy wo dypki wojowałoj a so tuž derje znajetej. Wot spočatka sem bě widźeć, zo spytaštej wobaj cyłkaj při horcych temperaturach hru wěšće natwarjeć a swojich spěšnych nadběhowarjow wužiwać. Prěnju dobru móžnosć na wrota za hosći wuhra sej Alwin Graf w prěnich mjeńšinach. Po tym, zo bě sej bul zdobył, spyta wrotarja z wysokim třělom přewinyć. Tutón pak kop k róžkej wotwobara. We wurunanej hrě mějachu Rakečenjo lěpše šansy. Zwjetša nastachu tute po zmylkach hosći. W 19. min. wuhrachu sej domjacy konter. Wotfalšowany bul padny na kóncu njezbožownje do klětki a Rakečenjo docpěchu 1:0. Po tym pak Chróšćenjo wotućichu. Přeco zaso hosćićelow při natwarje nadběha mylachu, tak poslednjej přihrawce na wrota ze stron přećiwnika wuspěšnje zadźěwachu. Tuž wosebje strašne akcije wuwostachu. Tola w 35. min. docpěchu Chróšćenjo zasłužene wrota. Po wólnym kopje Gabriela Zahrodnika z praweje strony hłójčkowaše Bosćij Cyž kulowatu kožu do saka, wurunujo hrajny staw na 1:1 (35.). W druhim połčasu běše hra wotewrjena. Hosćo so jako prěni k wrotam předrěchu. Najprjedy wotwobara Jakub Škoda sylny třěl z praweje strony. Po tym wuhrachu sej Rakečenjo hnydom cyłu kopicu róžkow za sobu. Tež tute pak móžeše škit SJC wotwobarać. Na druhej stronje docpě Jan Bogusz nimale nawjedowanje. Po tym, zo bě so Chróšćan derje do šěsnatki přesadźił, pak wrotar kop dźeržeše. W kónčnej fazy hry wobaj cyłkaj koncentrowanje zakitowaštej a na zmylki přećiwnika łakaštej. Po jednym tajkim zmylku ze stron hosćićela Chróšćenjo nimale dypkowachu. Flankowany bul z praweje strony přihra Damian Matik k Clemensej Handrikej. Jeho třěl pak prasny na pobóčnu žerdź a kuleše wottam na wrotowej liniji do rukow wrotarja. Krótko na to wothwizda sudnik hru. Po wurunanej hrě wuhrachu sej Chróšćenjo dalši dypk. Přichodnu njedźelu čaka na koparjow SJC sylny přećiwnik z Großnaundorfa.
Maksimilian Zahrodnik
Zestawa SJC: Škoda – Rätze (88. Mark), F. Cyž, Zynda, B. Cyž, Graf (55. Handrik), M. Zahrodnik (76. Wornar), Hawš, Matik, G. Zahrodnik (83. Donat), Bogusz (83. Młynk)
Na druhim hrajnym dnju dojědźechu sej Chróšćenjo do Rakec. Wobaj cyłkaj běštej zašłe lěta w krajnej klasy wo dypki wojowałoj a so tuž derje znajetej. Wot spočatka sem bě widźeć, zo spytaštej wobaj cyłkaj při horcych temperaturach hru wěšće natwarjeć a swojich spěšnych nadběhowarjow wužiwać. Prěnju dobru móžnosć na wrota za hosći wuhra sej Alwin Graf w prěnich mjeńšinach. Po tym, zo bě sej bul zdobył, spyta wrotarja z wysokim třělom přewinyć. Tutón pak kop k róžkej wotwobara. We wurunanej hrě mějachu Rakečenjo lěpše šansy. Zwjetša nastachu tute po zmylkach hosći. W 19. min. wuhrachu sej domjacy konter. Wotfalšowany bul padny na kóncu njezbožownje do klětki a Rakečenjo docpěchu 1:0. Po tym pak Chróšćenjo wotućichu. Přeco zaso hosćićelow při natwarje nadběha mylachu, tak poslednjej přihrawce na wrota ze stron přećiwnika wuspěšnje zadźěwachu. Tuž wosebje strašne akcije wuwostachu. Tola w 35. min. docpěchu Chróšćenjo zasłužene wrota. Po wólnym kopje Gabriela Zahrodnika z praweje strony hłójčkowaše Bosćij Cyž kulowatu kožu do saka, wurunujo hrajny staw na 1:1 (35.). W druhim połčasu běše hra wotewrjena. Hosćo so jako prěni k wrotam předrěchu. Najprjedy wotwobara Jakub Škoda sylny třěl z praweje strony. Po tym wuhrachu sej Rakečenjo hnydom cyłu kopicu róžkow za sobu. Tež tute pak móžeše škit SJC wotwobarać. Na druhej stronje docpě Jan Bogusz nimale nawjedowanje. Po tym, zo bě so Chróšćan derje do šěsnatki přesadźił, pak wrotar kop dźeržeše. W kónčnej fazy hry wobaj cyłkaj koncentrowanje zakitowaštej a na zmylki přećiwnika łakaštej. Po jednym tajkim zmylku ze stron hosćićela Chróšćenjo nimale dypkowachu. Flankowany bul z praweje strony přihra Damian Matik k Clemensej Handrikej. Jeho třěl pak prasny na pobóčnu žerdź a kuleše wottam na wrotowej liniji do rukow wrotarja. Krótko na to wothwizda sudnik hru. Po wurunanej hrě wuhrachu sej Chróšćenjo dalši dypk. Přichodnu njedźelu čaka na koparjow SJC sylny přećiwnik z Großnaundorfa.
Maksimilian Zahrodnik
Prěni derby sezony dobyli
SJ Chrósćicy – Módro-běli Kulow 1:0 (1:0)
Zestawa SJ Chrósćicy: Škoda – Rätze (90. Młynk), Zynda, F. Cyž, Mark, Graf (67. Wencl), M. Zahrodnik (80. T. Dónat), Hawš, G. Zahrodnik, Matik, B. Dónat (71. Wornar)
Zestawa Módro-běli Kulow: Pawlik – Žur, Korch, Koplanski (81. Kocor), Kisch (46. Wiedemann), Wehlan, Bulank, Ehrlich (46. Wittek), Nicolaides (81. Zwahr), Bergmann, Čórlich
Nowa sezona we wokrjesnej wyšej lize startowaše za Chróšćanow njedźelu hnydom ze serbskim derbyjom přećiwo koparjam z Kulowa. Při ćopłym wjedrje bě sej nimale 250 přihladowarjow do Chróšćan stadiona dojěło. Kulowčenjo běchu zašłu sezonu na 9. městnje zakónčili a su kruty wobstatk wokrjesneje wyšeje ligi zašłych lětach. Za nawrótnika SJC bě to potajkim prěni ćežki nadawk hrajneje doby. Spočatk partije wobaj cyłkaj pomału do hry startowaštej. Po tym pak spytachu sej Chróšćenjo přez měrny natwar a nadběhi šansy wuhrać. To so jim přeco zaso zešlachći. Tola zwjetša poslednja přihrawka falowaše abo precizna dosć njebě. Runja tym sej tež Kulowčenjo ćežko před wrotami mějachu. Dobry škit SJC mało šansow připušći. Hdyž-li přińdźe bul směr wrotow, pak běchu třěle njestrašne. Prěnju šansu hry měješe Maksimilian Zahrodnik, jako sej bul krótko za srjedźnej liniju zdoby. Jeho třěl pak naposledk wrota misny. Lěpje sčini to Damian Matik někotre mjeńšiny pozdźišo. Po dołhim bulu Oskara Hawša zběhny wón kulowatu kožu wyše wrotarja k 1:0 do klětki (31.). Kulowčenjo reagowachu na wrota a před połčasom hišće raz ćišć zwyšichu. Tola třěle bula z druheho rynka Jakub Škoda wotwobara.
Hinak hač w prěnim połčasu, hosćo w druhim škit SJC zašo nadběhowachu. Tuž so domjacym wjace njeporadźi jich taktiku pomałeho natwara zwoprawdźić. Kulowčenjo běchu nětko aktiwniše mustwo. Spočatk druheho połčasa pak so wulki dźěl hry mjez šěsnatkomaj bjez wjetšich šansow wotmě. Poněčim pak so Módro-běli přeco strašnišo wrotam Jakuba Škody bližachu. Snadneho rezultata dla bě kónčna faza jara napjata. Hosćo tłóčachu na wurunanje, domjace mustwo móžeše so jenož rědka wuswobodźić. Jednu tajku akciju dožiwjachu Chróšćenjo přez lěwu stronu. Po flance Matika pak zakitowar hosći strašny třěl za Chróšćan koparjow před wrotowej liniju wotwobara. Na kóncu hrě běchu kmanosće wrotarja SJC Škody hnydom dwójce prašane. Třěl z krótkeje distancy dźerži wón z hłowu. W dalšej akciji pokaza wuběrnu paradu. Po flance z lěweje strony steješe Kulowčan sam krótko před wrotami. Hłójčkowany bul Hórčan znješkódni a z tym Chróšćanam prěnje tři dypki zaruči, wšako serbski sudnik André Strelow hru krótko po tym wothwizda. Wurunanu hru SJC z tróšku zbožom a dobrym wrotarjom za sebje rozsudźi. Z tym dobychu prěni derby noweje serije. Přichodnu njedźelu hraja koparjo SJC w Bretnig-Hauswalde wo wokrjesny pokal.
Maksimilian Zahrodnik
Zestawa SJ Chrósćicy: Škoda – Rätze (90. Młynk), Zynda, F. Cyž, Mark, Graf (67. Wencl), M. Zahrodnik (80. T. Dónat), Hawš, G. Zahrodnik, Matik, B. Dónat (71. Wornar)
Zestawa Módro-běli Kulow: Pawlik – Žur, Korch, Koplanski (81. Kocor), Kisch (46. Wiedemann), Wehlan, Bulank, Ehrlich (46. Wittek), Nicolaides (81. Zwahr), Bergmann, Čórlich
Nowa sezona we wokrjesnej wyšej lize startowaše za Chróšćanow njedźelu hnydom ze serbskim derbyjom přećiwo koparjam z Kulowa. Při ćopłym wjedrje bě sej nimale 250 přihladowarjow do Chróšćan stadiona dojěło. Kulowčenjo běchu zašłu sezonu na 9. městnje zakónčili a su kruty wobstatk wokrjesneje wyšeje ligi zašłych lětach. Za nawrótnika SJC bě to potajkim prěni ćežki nadawk hrajneje doby. Spočatk partije wobaj cyłkaj pomału do hry startowaštej. Po tym pak spytachu sej Chróšćenjo přez měrny natwar a nadběhi šansy wuhrać. To so jim přeco zaso zešlachći. Tola zwjetša poslednja přihrawka falowaše abo precizna dosć njebě. Runja tym sej tež Kulowčenjo ćežko před wrotami mějachu. Dobry škit SJC mało šansow připušći. Hdyž-li přińdźe bul směr wrotow, pak běchu třěle njestrašne. Prěnju šansu hry měješe Maksimilian Zahrodnik, jako sej bul krótko za srjedźnej liniju zdoby. Jeho třěl pak naposledk wrota misny. Lěpje sčini to Damian Matik někotre mjeńšiny pozdźišo. Po dołhim bulu Oskara Hawša zběhny wón kulowatu kožu wyše wrotarja k 1:0 do klětki (31.). Kulowčenjo reagowachu na wrota a před połčasom hišće raz ćišć zwyšichu. Tola třěle bula z druheho rynka Jakub Škoda wotwobara.
Hinak hač w prěnim połčasu, hosćo w druhim škit SJC zašo nadběhowachu. Tuž so domjacym wjace njeporadźi jich taktiku pomałeho natwara zwoprawdźić. Kulowčenjo běchu nětko aktiwniše mustwo. Spočatk druheho połčasa pak so wulki dźěl hry mjez šěsnatkomaj bjez wjetšich šansow wotmě. Poněčim pak so Módro-běli přeco strašnišo wrotam Jakuba Škody bližachu. Snadneho rezultata dla bě kónčna faza jara napjata. Hosćo tłóčachu na wurunanje, domjace mustwo móžeše so jenož rědka wuswobodźić. Jednu tajku akciju dožiwjachu Chróšćenjo přez lěwu stronu. Po flance Matika pak zakitowar hosći strašny třěl za Chróšćan koparjow před wrotowej liniju wotwobara. Na kóncu hrě běchu kmanosće wrotarja SJC Škody hnydom dwójce prašane. Třěl z krótkeje distancy dźerži wón z hłowu. W dalšej akciji pokaza wuběrnu paradu. Po flance z lěweje strony steješe Kulowčan sam krótko před wrotami. Hłójčkowany bul Hórčan znješkódni a z tym Chróšćanam prěnje tři dypki zaruči, wšako serbski sudnik André Strelow hru krótko po tym wothwizda. Wurunanu hru SJC z tróšku zbožom a dobrym wrotarjom za sebje rozsudźi. Z tym dobychu prěni derby noweje serije. Přichodnu njedźelu hraja koparjo SJC w Bretnig-Hauswalde wo wokrjesny pokal.
Maksimilian Zahrodnik
SJ Chrósćicy mjez dobyćerjemi 6. wubědźowanja sportowych towarstwow wot »So geht sächsisch.« a Krajneho sportoweho zwjazka Sakska!
Smy hordźi, jako jedne z 222 towarstwow w Sakskej wuzwolene być a premiju wot 1.000 eurow dóstać!
Hoberski dźak dźe na našich čestnohamtskich trenarjow, nošerjow zamołwitosće, čłonow towarstwa a pomocnikow. Bjez was njeby to wšo móžno było! Waše njesprócniwe dźěło a waš angažement stej wutrobasg našeho towarstwa.
Wosebity dźak słuša ministerski prezident Michaelej Kretschmerej, kiž je wuznam čestnohamtskeho angažementa w sakskich sportowych towarstwach hódnoćił.
Wjeselimy so, tutón wuspěch zhromadnje swjećić a nadźijamy so na mnohe dalše wuspěchi – zhromadnje smy sylni!
Hoberski dźak dźe na našich čestnohamtskich trenarjow, nošerjow zamołwitosće, čłonow towarstwa a pomocnikow. Bjez was njeby to wšo móžno było! Waše njesprócniwe dźěło a waš angažement stej wutrobasg našeho towarstwa.
Wosebity dźak słuša ministerski prezident Michaelej Kretschmerej, kiž je wuznam čestnohamtskeho angažementa w sakskich sportowych towarstwach hódnoćił.
Wjeselimy so, tutón wuspěch zhromadnje swjećić a nadźijamy so na mnohe dalše wuspěchi – zhromadnje smy sylni!
Lubi čłonojo, přećeljo a spěchowarjo SJ Chrósćicy 1981 z.t.,
z dźakownosću a hordosću zhladujemy na wosom lět krajneje klasy wuchod. Nětko steji nawrót do wokrjesneje wyšeje ligi zapadna Łužica před nami a widźimy tole jako šansu za nowy započatk. We woběmaj muskimaj mustwomaj hraja mjeztym jenož hišće hrajerjo ze swójskeho dorosta a wokolnych wsoł Chrósćic - na čož smy jara hordźi. Runje to je naša sylnosć a naš přichod.
"Kopańca je naše žiwjenje" – to je naše hesło. A runje to wotbłyšćuje so w našim wšědnym angažemenće. Zhromadnosć w towarstwje woznamjenja, zhromadnje cile docpěć, rjane wokomiki dožiwić a jedyn za druheho stać - w dobrych kaž tež w ćežkich časach. Zdźeržmy sej tutón zwjazanosć, kotraž nas sylnja.
Směmy hordźi na docpěte cily być a runočasnje z posměwkom a motiwowani doprědka hladać. Chcemy dale rosć, nowe wuspěchi swjećić a hódnoty SJ Chrósćicy 1981 z.t. wobchować.
Wulki dźak wuprajam mnohim čestnohamtskim pomocnikam a podpěraćelam w pozadku. Waše dźěło je njesměrnje hódnotne - bjez was njeby naše towarstwo to było, štož wone dźensa je. Dźakuju so tež našim sponsoram a partneram. Waša podpěra zmóžnja nam, projekty realizować a našim hrajerjam optimalne wuměnjenja skićić. Wutrobny dźak wšitkim, kotřiž nas financielnje a ideelnje podpěruja.
Wosebity dźak słuša wšitkim hrajerjam a tež akteram, kotřiž su nas na kóncu sezony wopušćili. Waše zasadźenje a waša zahoritosć stej rozsudnje k našemu wuspěchej přinošowałoj. Budźeće přeco dźěl našeje SJC-swójby wostać.
Wutrobnje dźakuju so Wam wšitkim - hrajerjo, trenarjo, čłonojo, fanojo a přećeljo - za Wašu njesprócniwu podpěru a Waš angažement.
Chcemy nowe nadawki z dowěru a pozitiwnej energiju přiwzać a dale wuspěšnu zhromadnosć pĕstować!
Sportej a narodej zdar
Tadej Cyž, předsyda
z dźakownosću a hordosću zhladujemy na wosom lět krajneje klasy wuchod. Nětko steji nawrót do wokrjesneje wyšeje ligi zapadna Łužica před nami a widźimy tole jako šansu za nowy započatk. We woběmaj muskimaj mustwomaj hraja mjeztym jenož hišće hrajerjo ze swójskeho dorosta a wokolnych wsoł Chrósćic - na čož smy jara hordźi. Runje to je naša sylnosć a naš přichod.
"Kopańca je naše žiwjenje" – to je naše hesło. A runje to wotbłyšćuje so w našim wšědnym angažemenće. Zhromadnosć w towarstwje woznamjenja, zhromadnje cile docpěć, rjane wokomiki dožiwić a jedyn za druheho stać - w dobrych kaž tež w ćežkich časach. Zdźeržmy sej tutón zwjazanosć, kotraž nas sylnja.
Směmy hordźi na docpěte cily być a runočasnje z posměwkom a motiwowani doprědka hladać. Chcemy dale rosć, nowe wuspěchi swjećić a hódnoty SJ Chrósćicy 1981 z.t. wobchować.
Wulki dźak wuprajam mnohim čestnohamtskim pomocnikam a podpěraćelam w pozadku. Waše dźěło je njesměrnje hódnotne - bjez was njeby naše towarstwo to było, štož wone dźensa je. Dźakuju so tež našim sponsoram a partneram. Waša podpěra zmóžnja nam, projekty realizować a našim hrajerjam optimalne wuměnjenja skićić. Wutrobny dźak wšitkim, kotřiž nas financielnje a ideelnje podpěruja.
Wosebity dźak słuša wšitkim hrajerjam a tež akteram, kotřiž su nas na kóncu sezony wopušćili. Waše zasadźenje a waša zahoritosć stej rozsudnje k našemu wuspěchej přinošowałoj. Budźeće přeco dźěl našeje SJC-swójby wostać.
Wutrobnje dźakuju so Wam wšitkim - hrajerjo, trenarjo, čłonojo, fanojo a přećeljo - za Wašu njesprócniwu podpěru a Waš angažement.
Chcemy nowe nadawki z dowěru a pozitiwnej energiju přiwzać a dale wuspěšnu zhromadnosć pĕstować!
Sportej a narodej zdar
Tadej Cyž, předsyda
Metalotwar Nico Schmidt nowy sponsor
Z wjeselom chcemy noweho bandoweho sponsora za přichodnu sezonu předstajić: firmu metalotwar Nico Schmidt ze Žuric.
Metalotwar Nico Schmidt, rjemjeslniski zawod z našeho regiona, steji za kwalitu, preciznosć a inowaciju we wobłuku metalotwara. Partnerstwo zes SJ Chrósćicy je znamjo za zwjazanosć předewzaća z lokalnym sportom.
Dźakujemy so wutrobnje pola Nico Schmidta za dowěru a podpěru a wjeselimy so na wuspěšny zhromadny přichod.
Telefon
Email
Metalotwar Nico Schmidt, rjemjeslniski zawod z našeho regiona, steji za kwalitu, preciznosć a inowaciju we wobłuku metalotwara. Partnerstwo zes SJ Chrósćicy je znamjo za zwjazanosć předewzaća z lokalnym sportom.
Dźakujemy so wutrobnje pola Nico Schmidta za dowěru a podpěru a wjeselimy so na wuspěšny zhromadny přichod.
Telefon
Dźakuju, Pavelo!
Dźakuju, Sentijo!
Dźakuju, Kralijo!
Era so skónči
Po wjele, wuspěšnych lětach pola SJ Chrósćicy rozžohnujemy sobotu do našeje poslednjeje domjaceje hry sezony přećiwo TSV Rotaciji Drježdźany hnydom tři dołholětnych, swěrnych hrajerjow a stołpow z našeho prěnjeho mustwa.
Wot lěta 2015 trenar, resp. hrajerski trenar bě Pavel Runt (z přetorhnjenjemi). Wón je mustwo za čas sportowsce najwuspěšnišeje periody SJC w krajnej klasy na a při hrajnišću nawjedował. W 153 zasadźenjach jako hrajer docpě 21 wrotow a njeličomne asisty. Ze swojim měrom při bulu, swojim dobrym přehladom a wuběrnym začućom za bul je wón přez mnohe lěta srjedźne polo SJC charakterizował. Hač krótke přihrawki, ćežke přihrawki do špicy abo daloke změny bokow - Pavel wobknježeše wšitko kaž lědma něchtó druhi. A tež wólny kop wón časćišo wustojnje direktnje do saka wrotow třěli. Wón liči bjez prašenja k nošerjam wukonow časa krajneje klasy, jako mišterski a z tym postupny trenar 2016, a je sej tak tež titul legendy SJC wjace hač zasłužił. Po kóncu sezony budźe Pavel swoje trenarske městno wopušćić.
Tež swoju karjeru pola SJC skónči po sezonje swój dobry přećel Miroslav Sentivan. Tež wón liči ke charakterizowacym figuram a stołpam prěnjeje jědnatki SJC přez 8 lěta w krajnej klasy. 127 hrow je za naše prěnje mustwo absolwował a při tym 14 wrotow docpěł. Jeho hra bě stajnje charakterizowana wot jeho absolutneho měra a bjezčućiwosće - hač z bulom abo bjez bula. Njerědko přihladowarjam dych zadyri, jako Senti jako posledni muž nadběhowaceho nadběhowarja z fintu do prózdneho běžeć daše. A zjewi so po standardach raz z bulom při noze abo hłowje před wrotami, tak wobchowa husto tež tam měr a bul přemysleny we wrotach zaměstni.
Wot toho časa, zo steješe Petr Králíček pola nas we wrotach, ličeše njepřestajnje k najlěpšim wrotarjam ligi - wón bě ta měra, na kotrejž dyrbjachu so druzy wrotarjo měrić. Ze swojej wulkosću, suwerenitu a spěšnosću reakcije bě wón husto tón, kiž wažne dypki we wuskich hrach za nas zawěsći. Hač pola flankow abo w 1-napřećo-1, před Kralijom mějachu nadběhowarjo telko respekta, zo jim prawidłownje čuwy zaprajichu. Ze 189 zasadźenjemi pola prěnjeje zawrěje so čěska trojka z dalšej legendu, a lědma štó móže sej předstajić, zo namakamy w blišim přichodźe naslědnika we wrotach, kiž zamóže hoberske stopy Petra Králíčeka wupjelnić.
Tola hačrunjež budźe přewrót, kiž so z wotchadom tutych třoch ikoniskich hrajerjow wotměwa, sportowsce hižo ćežko zmištrować, su to wosebje mjezyčłowjeske aspekty, kotrež tři wulke dźěry zawostajeja. Z Pavelom, Sentijom a Kralijom njerozžohnujemy jenož třoch sylnych koparjow, ale třoch wutrobitych, wulkotnych kameradow a přećelow - znajmjeńša z předrasćenskeje kabiny.
SJC dźakuje so jim z cyłeje wutroby za wulkotne zhromadne lěta, kotrež so nihdy njezabudu, a přeje wšo myslomnje dobre do přichoda. Wy sće pola nas na přeco witani!
Wot lěta 2015 trenar, resp. hrajerski trenar bě Pavel Runt (z přetorhnjenjemi). Wón je mustwo za čas sportowsce najwuspěšnišeje periody SJC w krajnej klasy na a při hrajnišću nawjedował. W 153 zasadźenjach jako hrajer docpě 21 wrotow a njeličomne asisty. Ze swojim měrom při bulu, swojim dobrym přehladom a wuběrnym začućom za bul je wón přez mnohe lěta srjedźne polo SJC charakterizował. Hač krótke přihrawki, ćežke přihrawki do špicy abo daloke změny bokow - Pavel wobknježeše wšitko kaž lědma něchtó druhi. A tež wólny kop wón časćišo wustojnje direktnje do saka wrotow třěli. Wón liči bjez prašenja k nošerjam wukonow časa krajneje klasy, jako mišterski a z tym postupny trenar 2016, a je sej tak tež titul legendy SJC wjace hač zasłužił. Po kóncu sezony budźe Pavel swoje trenarske městno wopušćić.
Tež swoju karjeru pola SJC skónči po sezonje swój dobry přećel Miroslav Sentivan. Tež wón liči ke charakterizowacym figuram a stołpam prěnjeje jědnatki SJC přez 8 lěta w krajnej klasy. 127 hrow je za naše prěnje mustwo absolwował a při tym 14 wrotow docpěł. Jeho hra bě stajnje charakterizowana wot jeho absolutneho měra a bjezčućiwosće - hač z bulom abo bjez bula. Njerědko přihladowarjam dych zadyri, jako Senti jako posledni muž nadběhowaceho nadběhowarja z fintu do prózdneho běžeć daše. A zjewi so po standardach raz z bulom při noze abo hłowje před wrotami, tak wobchowa husto tež tam měr a bul přemysleny we wrotach zaměstni.
Wot toho časa, zo steješe Petr Králíček pola nas we wrotach, ličeše njepřestajnje k najlěpšim wrotarjam ligi - wón bě ta měra, na kotrejž dyrbjachu so druzy wrotarjo měrić. Ze swojej wulkosću, suwerenitu a spěšnosću reakcije bě wón husto tón, kiž wažne dypki we wuskich hrach za nas zawěsći. Hač pola flankow abo w 1-napřećo-1, před Kralijom mějachu nadběhowarjo telko respekta, zo jim prawidłownje čuwy zaprajichu. Ze 189 zasadźenjemi pola prěnjeje zawrěje so čěska trojka z dalšej legendu, a lědma štó móže sej předstajić, zo namakamy w blišim přichodźe naslědnika we wrotach, kiž zamóže hoberske stopy Petra Králíčeka wupjelnić.
Tola hačrunjež budźe přewrót, kiž so z wotchadom tutych třoch ikoniskich hrajerjow wotměwa, sportowsce hižo ćežko zmištrować, su to wosebje mjezyčłowjeske aspekty, kotrež tři wulke dźěry zawostajeja. Z Pavelom, Sentijom a Kralijom njerozžohnujemy jenož třoch sylnych koparjow, ale třoch wutrobitych, wulkotnych kameradow a přećelow - znajmjeńša z předrasćenskeje kabiny.
SJC dźakuje so jim z cyłeje wutroby za wulkotne zhromadne lěta, kotrež so nihdy njezabudu, a přeje wšo myslomnje dobre do přichoda. Wy sće pola nas na přeco witani!
